सातारा जिल्ह्यातील सर्व खाजगी कार्यालयांनी तक्रार निवारण समितीची नोंदणी केंद्र शासनाच्या SHE BOX PORTAL करणे बंधनकारक

           सातारा, प्रतिनिधी जिल्ह्यातील सर्व खाजगी आस्थापनांवरील कामाच्या ठिकाणी महिलांच्या लैगिक छळ (प्रतिबंध, मनाई

आणि निवारण) अधिनियम २०१३ (Posh Act) ची प्रभावी अंमलबजावणी करण्यासाठी Posh Act २०१३ मधील कलम ४ अन्वये ज्या खाजगी कार्यालयामध्ये १० किंवा १० पेक्षा जास्त कर्मचारी असतील अशा सर्व खाजगी आस्थापनांमध्ये अंतर्गत तक्रार निवारण समिती स्थापन करणे बंधनकारक आहे. सदरच्या आस्थापनेतील अंतर्गत तक्रार निवारण समितीची नोंदणी SHE BOX PORTAL वर करण्यासाठी केंद्र शासन व राज्य शासनाने निर्देश दिलेले आहेत. त्याअनुषगाने जिल्ह्यातील ज्या खाजगी कार्यालयांमध्ये दहा किंवा दहा पेक्षा जास्त कर्मचारी असतील अशा सर्व खाजगी आस्थापनांमध्ये कामाच्या ठिकाणी महिलांचा लैगिक छळ ( प्रतिबंध, मनाई आणि निवारण ) अधिनियम २०१३ (POSH ACT) अंतर्गत गठीत केलेल्या तक्रार निवारण समितीची नोंदणी केंद्र शासनाच्या SHE BOX PORTAL वर तात्काळ ऑनलाईन नोंदणी करावी असे आवाहन, जिल्हा महिला व बाल विकास अधिकारी तथा सदस्य सचिव POSH ACT सातारा यांनी एका पत्रकाद्वारे केले आहे.

000p०