जालना येथील शासकीय वसतीगृहासाठी अर्ज करावेत

 जालना, प्रतिनिधी:- महाराष्ट्र शासनाच्या समाज कल्याण विभागांतर्गत जालना शहरात सुरु असलेले भारतरत्न डॉ. बाबासाहेब आबेडकर मागासवर्गीय मुलांचे शासकीय वसतिगृह व संत रामदास मागासवर्गीय मुलांचे शासकीय वसतिगृह, जालना येथील शैक्षणिक वर्ष 2025-26 करीता रिक्त जागांसाठी ऑनलाईन प्रवेश प्रक्रीया होणार आहे. सदर वसतिगृहांमध्ये प्रवेशित विद्यार्थ्यांना मोफत भोजन, निवास, अंथरुण, पांघरुण, वह्या/पाठ्यपुस्तके देय असून मासिक निवार्हभत्ता, गणवेश भत्ता, शैक्षणिक साहित्य भत्ता, व छत्री, गमबूट भत्ता इत्यादी नियमाप्रमाणे आर्थिक लाभ विद्यार्थ्यांच्या आधारसलग्न बॅंक खात्यावर जमा करण्यात येतात. मागासवर्ग प्रवर्गातील अनुसूचित जाती, अनु.जमाती, विजाभज, इमाव/आदृमा, विमाप्र, दिव्यांग, अनाथ इत्यादी प्रवर्गातील विद्यार्थी अर्ज करण्यास पात्र आहेत.

शालेय अभ्यासक्रम (वर्ग 8 वी ते 10 वी ), कनिष्ठ महाविद्यालय अभ्यासक्रम (11वी ते 12वी), बिगर व्यावसायीक वरिष्ठ महाविद्यालय अभ्यासक्रम व व्यावसायीक अभासक्रम या चार अभासक्रमांचे प्रथम वर्षात प्रवेशित होणारे विद्यार्थी ऑनलाईन अर्ज करण्यास पात्र आहेत. दिनांक 11 जून 2025 पासून http://hmas.mahait.org या संकेतस्थळावर इच्छुक पात्र विद्यार्थ्यांना ऑनलाईन नोंदणी व अर्ज सादर करता येतील, अशी माहिती वसतिगृहांचे गृहपाल यांनी प्रसिध्दीपत्रकाद्वारे आहे