निवृत्तीवेतन प्रकरणी येणाऱ्या तांत्रिक अडचणींचे निराकरण करण्यासाठी दि.27 जून रोजी ठाणे येथे पेन्शन अदालतीचे आयोजन

ठाणे, प्रतिनिधी- राज्य शासनाकडील ठाणे जिल्हा कोषागाराकडून निवृत्ती वेतन घेणाऱ्या सर्व निवृत्तीवेतनधारकांकरिता निवृत्तीवेतन प्रकरणी येणाऱ्या तांत्रिक अडचणींचे निराकरण करण्यासाठी शुक्रवार, दि.27 जून 2025 रोजी सें.जी. बापटिस्ट हायस्कूल अॅण्ड ज्युनिअर कॉलेज, जांभळी नाका, ठाणे येथे दुपारी 2:30 ते सायंकाळी 5.30 पर्यंत महालेखापाल, महाराष्ट्र राज्य, मुंबई यांच्या वतीने पेन्शन अदालतीचे आयोजन करण्यात आले आहे.

या पेन्शन अदालतीस उपमहालेखापाल, महाराष्ट्र राज्य, मुंबई उपस्थित राहणार आहेत. तरी निवृत्तीवेतन घेणाऱ्या सर्व निवृत्तीवेतनधारक यांनी नियोजित स्थळी पेन्शन अदालतीस उपस्थित राहावे, असे आवाहन जिल्हा कोषागार अधिकारी महेशकुमार कारंडे यांनी केले आहे.

00000