ऊर्जा विभागाने वीजनिर्मिती व खर्चाबाबत योग्य नियोजन केल्यास ग्राहकांना माफक दरात वीज वितरण शक्य होणार असल्याचे सांगत सबसिडीसाठी लागणारे अनुदान लवकरात लवकर वितरीत करण्याचे निर्देश मुख्यमंत्री देवेंद्र फडणवीस

राज्य प्रतिनिधी-मुख्यमंत्री देवेंद्र फडणवीस यांनी विधानभवन येथे ऊर्जा विभागाची आढावा बैठक घेतली. #ऊर्जा विभागाने #वीजनिर्मिती व खर्चाबाबत योग्य नियोजन केल्यास ग्राहकांना माफक दरात वीज #वितरण शक्य होणार असल्याचे सांगत सबसिडीसाठी लागणारे अनुदान लवकरात लवकर वितरीत करण्याचे निर्देश मुख्यमंत्र्यांनी वित्त विभागाला दिले.

ऊर्जा विभागाला सन २०२५-२६ या वर्षासाठी लागणारा निधी, विविध विभागांची वीज देयके #थकबाकी, #अनुदान वितरणाची सद्यस्थिती, विविध योजनांसाठी केलेली निधीची तरतूद, मेडामार्फत करण्यात आलेली कार्यवाही याचा आढावा यावेळी मुख्यमंत्र्यांनी घेतला.

राज्यातील वीज वितरण व्यवस्थेची आर्थिक स्थिती सुधारण्यासाठी आवश्यक तेथे नियमांनुसार बदल करावेत. थकबाकी वेळेत वसुल होण्यासाठी कार्यवाही करावी. महावितरणला मंजूर झालेला आर्थिक वर्षाचा निधी आणि तूट याची तफावत वाढू नये, याची खबरदारी घ्यावी. ‘मुख्यमंत्री बळीराजा मोफत वीज योजना’, ‘पीएम कुसुम योजना’ प्रभावीपणे राबविण्यासाठी निधीची आवश्यकता असून ऊर्जा विभागाने सादर केलेली मागणी वित्त विभागाने विचारात घ्यावी. सर्वसामान्य वीज ग्राहकांना दिलासा मिळेल असे दर ठरविण्यासाठी योग्य त्या उपाययोजनाही करणे आवश्यक आहे – मुख्यमंत्री

या बैठकीला अपारंपरिक ऊर्जा मंत्री अतुल सावे, ऊर्जा राज्यमंत्री मेघना साकोरे- बोर्डीकर व संबंधित विभागांचे वरिष्ठ अधिकारी उपस्थित होते.