रशियातील तेलशुद्धीकरण केंद्रांवर युक्रेनचे ड्रोन हल्ले..
विदेश प्रतिनिधी-युक्रेनने रशियाच्या सारातोव्ह आणि समारा या प्रांतांतील तेलशुद्धीकरण केंद्रांवर शनिवारी सकाळी भीषण ड्रोन हल्ले केले. या हल्ल्यांमुळे दोन्ही ठिकाणी प्रचंड स्फोट होऊन आगीचा भडका उडाला. स्थानिक प्रशासनाने तातडीने अग्निशमन दल व बचाव पथके पाठवून आग आटोक्यात आणण्याचा प्रयत्न केले.
स्थानिक माध्यमांनी दिलेल्या माहितीनुसार, हल्ल्याचे लक्ष्य रशियाच्या महत्त्वाच्या ऊर्जा प्रकल्पांकडे होते. या केंद्रांमुळे मॉस्कोला मोठ्या प्रमाणावर तेल व वायू पुरवठा होत असून, युक्रेनकडून केलेल्या या कारवाईमुळे रशियाला गंभीर आर्थिक धक्का बसण्याची शक्यता आहे. हल्ल्यांमुळे परिसरातील नागरिकांमध्ये भीतीचे वातावरण निर्माण झाले असून, काहींना सुरक्षित ठिकाणी हलविण्यात आले आहे.
तज्ज्ञांचे म्हणणे आहे की, युक्रेनकडून अशा प्रकारचे सातत्यपूर्ण हल्ले रशियाच्या लष्करी आणि आर्थिक सामर्थ्यावर परिणाम करण्यासाठी केले जात आहेत. रशियाने या घटनांवर कठोर प्रतिक्रिया देत प्रत्युत्तरात्मक कारवाईची चेतावणी दिली आहे. आंतरराष्ट्रीय स्तरावर या घडामोडीमुळे तणाव अधिक वाढण्याची शक्यता वर्तविण्यात येत असून, जागतिक तेलबाजारातही अस्थिरतेचे वातावरण निर्माण झाले आहे.
