बँक ऑफ इंडिया रायगड विभागातर्फे सतर्कता जागृत अभियानांतर्गत ग्रामसभा संपन्न

रायगड-अलिबाग, प्रतिनिधी:-“सतर्कता हमारी साझा ज़िम्मेदारी Vigilance: Our Shared Responsibility” या थीमसह देशभरात 18 ऑगस्ट ते 17 नोव्हेंबर पर्यंत दक्षता जागरूकता सप्ताह पाळत आहे. या अंतर्गत रायगड विभागातील येणाऱ्या सर्व शाखांनी जिल्ह्यात वेगवेगळ्या ठिकाणी (24 सप्टेंबर 2025) रोजी ग्रामसभा संपन्न झाल्या.

झोनल मॅनेजर दीपन्विता साहनी व डेप्युटी झोनल मॅनेजर भरत सहाय यांच्या मार्गदर्शनानुसार बँक ऑफ इंडिया रायगड झोनतर्फे विविध ग्रामीण व निमशहरी शाखांमध्ये विविध शाखांच्या शाखा व्यवस्थापकांनी ग्रामसभा आयोजित केल्या होत्या. ज्यामध्ये ग्राहकांना फसवणुकीशी संबंधित माहिती देऊन जागरूक करण्यात आले. या बैठकीत ग्राहकांना ओटीपी शेअर करू नका, एटीएम पिन आणि सायबरलिंक शेअर करू नका त्याच बरोबर जास्त व्याज असणारे कर्ज घेऊन कर्जच्या विळख्यात अडकू नका असे सांगण्यात आले. ग्राहकांना कसे कसे फसवले जाते याबाबत संबंधित माहिती देण्यात आली.

००००००