नगरपरिषदेच्या प्रारुप प्रभागनिहाय आरक्षणावरील हरकती व सुचनांवर १५ व १६ ऑक्टोबर रोजी सुनावणीØ जिल्हाधिकारी यांच्या अध्यक्षतेखाली होणार सुनावणी..

बुलढाणा, प्रतिनिधी) : जिल्ह्यातील ११ नगरपरिषदेचे प्रारुप प्रभागनिहाय आरक्षण जाहीर झाले असून या आरक्षणाबाबत प्राप्त हरकती व सुचनांवर जिल्हाधिकारी यांच्या अध्यक्षतेखाली १५ व १६ ऑक्टोबर रोजी सुनावणी आयोजित करण्यात आली असल्याची माहिती जिल्हाधिकारी कार्यालयातील नगरविकास विभागाने दिली आहे.

जिल्हा नगरविकास प्रशासनाने सुनावणीचे वेळापत्रक जाहीर केले आहे. या सुनावण्या जिल्हाधिकारी यांच्या अध्यक्षतेखाली त्यांच्या कार्यालयात येथे पार पडणार आहेत. त्यानुसार १५ ऑक्टोबर रोजी बुलढाणा, सिंदखेड राजा, मेहकर, शेगाव, जळगाव जामोद आणि मलकापूर या नगरपरिषदेचे प्रारुप प्रभागनिहाय आरक्षणाबाबत प्राप्त हरकती व सुचनांवर सकाळी ११ ते दुपारी २.३० वाजेदरम्यान सुनावणी आयोजित करण्यात आली आहे. तसेच १६ ऑक्टोबर रोजी चिखली, लोणार, देऊळगाव राजा, खामगाव आणि नांदुरा या नगरपरिषदेचे प्रारुप प्रभागनिहाय आरक्षणाबाबत प्राप्त हरकती व सुचनांवर सकाळी ११ ते दुपारी २ वाजेदरम्यान सुनावणी घेण्यात येणार आहे.

000