बिहार विधानसभा निवडणुकीत मतदान केंद्रांवर बुरखा घालून येणाऱ्या महिला मतदारांची ओळख सन्मानपूर्वक आणि गोपनीयतेने पटवण्यासाठी निवडणूक आयोगाने विशेष व्यवस्था…
राज्य प्रतिनिधी-बिहार विधानसभा निवडणुकीत मतदान केंद्रांवर बुरखा घालून येणाऱ्या महिला मतदारांची ओळख सन्मानपूर्वक आणि गोपनीयतेने पटवण्यासाठी निवडणूक आयोगाने विशेष व्यवस्था केली आहे. या महिलांची ओळख अंगणवाडी सेविकांच्या मदतीने, तसेच महिला मतदान अधिकारी किंवा स्वयंसेविकांच्या उपस्थितीतच करण्यात येईल. ओळख पटवताना महिलांच्या प्रतिष्ठेला धक्का न लागता प्रक्रिया पार पाडली जाणार असून, संपूर्ण प्रक्रियेत गोपनीयतेचे काटेकोर पालन केले जाईल.
या कामासाठी राज्यातील एकोणनव्वद हजार सातशे बारा अंगणवाडी सेविकांची निवडणुकीच्या कामावर नियुक्ती करण्यात आली आहे. या माध्यमातून मतदार ओळख तपासणी अधिक सुरक्षित, पारदर्शक आणि सन्मानजनक होईल. दरम्यान, भारतीय जनता पक्षाचे बिहार प्रदेशाध्यक्ष यांनी बुरखाधारी महिलांची ओळख त्यांच्या आधारकार्डाशी पडताळावी, असे सुचवले आहे.
बिहारमध्ये निवडणुका दोन टप्प्यांत पार पडणार आहेत. पहिला टप्पा दिनांक 6 नोव्हेंबर आणि दुसरा टप्पा दिनांक 11 नोव्हेंबर रोजी होणार असून, मतमोजणी 14 नोव्हेंबर रोजी केली जाईल.
