कर्मचारी समाधान शिबिरात 5 अर्ज दाखल
छत्रपती संभाजीनगर, प्रतिनिधी : विभाग स्तरावरील कर्मचारी समाधान शिबिरात आज एकूण 5 अर्ज दाखल झाले. या अर्जांवर विभागाने तातडीने कार्यवाही करून संबंधितांचे अर्ज निकाली काढण्याचे निर्देश रिता मैत्रेवार सह आयुक्त (महसूल) यांनी दिले. विभागीय आयुक्त कार्यालयाच्या सभागृहात सह आयुक्त (महसूल ) रिता मैत्रेवार यांच्या अध्यक्षतेखाली झालेल्या विभागीय कर्मचारी समाधान शिबिरात शासन सेवेत कार्यरत तसेच सेवानिवृत्त अधिकारी व कर्मचारी त्यांच्या प्रलंबित सेवाविषयक अडचणी मांडण्यात आल्या. यावेळी अर्जदार सेवानिवृत्त अधिकारी, कर्मचारी तसेच संबंधित विभागांचे अधिकारी व कर्मचारी उपस्थित होते.
मराठवाड्यातील शासन सेवेत कार्यरत तसेच सेवानिवृत्त अधिकारी व कर्मचाऱ्यांच्या प्रलंबित सेवाविषयक अडचणी जलद आणि कार्यक्षमतेने सोडविण्याच्या उद्देशाने मा.विभागीय आयुक्त जी. श्रीकांत यांच्या संकल्पनेतून संपूर्ण विभागात प्रत्येक महिन्याच्या पहिल्या शुक्रवारी ‘कर्मचारी समाधान शिबिर’ आयोजित करण्यात येते.
****
