स्वामी विवेकानंद जयंतीनिमित्त राष्ट्रीय युवा दिनाचे आयोजन….

रायगड, प्रतिनिधी

कौशल्य, रोजगार, उद्योजकता व नाविन्यता या मंत्रालयीन विभागाअंतर्गत व्यवसाय शिक्षण व प्रशिक्षण, संचालनलाय, महाराष्ट्र राज्य मुंबई यांनी दिलेल्या सुचनांन्वये महाराष्ट्र भूषण डॉ.श्री नानासाहेब धर्माधिकारी, शासकीय औद्योगिक प्रशिक्षण संस्था पनवेल या संस्थेमध्ये दि.12 जानेवारी 2025 रोजी स्वामी विवेकानंद जयंतीनिमित्त राष्ट्रीय युवा दिना साजरा करण्यात येणार असल्याची माहिती प्राचार्य, महाराष्ट्र भूषण डॉ. श्री नानासाहेब धर्माधिकारी शासकीय औद्योगिक प्रशिक्षण संस्था,पनवेल नि.के.चौधरी यांनी दिली आहे.

संचालक, व्यवसाय शिक्षण व प्रशिक्षण संचालनालय यांच्या सुचनांन्वये या युवा दिन कार्यक्रमामध्ये शासकीय औद्योगिक प्रशिक्षण संस्था पनवेल या संस्थेतून आपले प्रशिक्षण पूर्ण झाल्यानंतर उद्योजक म्हणून नावारुपास आलेल्या प्रशिक्षणार्थ्यांचा गुणगौरव करण्यात येणार आहे. तसेच युवा सशक्तीकरण, मानसिक आरोग्य, स्वच्छता अभियान, वृक्षारोपण, त्याचप्रमाणे उद्योजक म्हणून नावारुपास आलेल्या प्रशिक्षणार्थ्यांच्या माध्यमातून त्याच्या यशोगाथा व स्वयंरोजगाराबाबत मार्गदर्शन आणि नेतृत्व विकास यावर चर्चा होणार आहे.000000