अमृता सोपान शिंदेला सुवर्णपदक

बदनापूर, प्रतिनिधी)- जिल्हा क्रीडा अधिकारी कार्यालय, नांदेड,महाराष्ट्र द्वारा आयोजित ६८ व्या राष्ट्रीय शालेय बेसबॉल स्पर्धा १४ ते१८ जानेवारी २०२५ या कालावधीत घेण्यात आल्या. स्पर्धेत महाराष्ट्र मुले व मुली दोन्ही संघाने उत्कृष्ट खेळी करत सुवर्णपदक संपादन केले आहे.सदर १९ वर्षे आतील मुली संघात सेलगाव येथील जिजाऊ ज्युनिअर कॉलेजची अमृतासोपान शिंदे हिने संघास उकृष्ट खेळी करत अंतिम सामन्यात छत्तीसगड राज्यास

नमवून सुवर्णपदकावर महाराष्ट्र राज्याचे नाव कोरले आहे. अमृता हिने १४

वर्षे व १७ वर्षे वयोगटात सुद्धा राष्ट्रीय शालेय बेसबॉल स्पर्धेत

अनुक्रमे मध्य प्रदेश व छत्तीसगड येथे चमकदार कामगिरी केली होती. या

यशाबद्दल जिजाऊ ज्युनिअर कॉलेज सेलगावचे अध्यक्ष गजानन पाटील-वाळके,

प्राचार्य पवार, विजय गाडेकर यांनी अभिनंदन केले आहे. त्याच बरोबर जिल्हा

क्रीडा अधिकारी संजय गाढवे, जालना जिल्हा बेसबॉल असोशियशनचे अध्यक्ष

निवृत्ती दिवटे, सचिव एकनाथ सुरुशे, कोषाध्यक्ष प्रमोद खरात व पदाधिकारी

यांनी या यशाबद्दल अमृता शिंदेचे विशेष अभिनंदन केले आहे.००००००००००