काँग्रेस माजी अध्यक्ष सोनिया गांधीं यांनी राष्ट्रपती मुर्मू यांच्यावर केली ‘Poor Lady’ विवादित टिपण्णी; बिहारमध्ये खटला दाखल
राज्य प्रतिनिधी-: काँग्रेसच्या माजी अध्यक्षा सोनिया गांधी यांच्या अडचणी वाढल्या आहेत. राष्ट्रपती द्रौपदी मुर्मू यांना ‘Poor Lady’ असे संबोधल्याबद्दल बिहारमधील मुझफ्फरपूरमध्ये त्यांच्यावर खटला दाखल करण्यात आला आहे. शनिवारी सीजीएम कोर्टात सुधीर ओझा नावाच्या वकिलाने ही तक्रार दाखल केली.
या प्रकरणाची सुनावणी 10 फेब्रुवारी रोजी होणार आहे. याचिकाकर्त्याने लोकसभेतील विरोधी पक्षनेते राहुल गांधी आणि काँग्रेस खासदार प्रियंका गांधी वढेरा यांचेही सह-आरोपी म्हणून नाव दिले आहे. त्यांच्यावरही कायदेशीर कारवाई करण्याची मागणी केली आहे
याचिकाकर्ते सुधीर ओझा यांनी सांगितले की, सोनिया गांधी यांनी राष्ट्रपती द्रौपदी मुर्मू यांचा अपमान करण्याचा प्रयत्न केला आहे. अर्थसंकल्पीय अधिवेशनादरम्यान राष्ट्रपतींच्या अभिभाषणानंतर सोनिया गांधी यांनी त्यांच्यावर केलेले भाष्य अत्यंत आक्षेपार्ह होते. राष्ट्रपती एक महिला आहेत आणि आदिवासी समुदायातून येतात, त्यांच्याविरुद्धची ही टिप्पणी आक्षेपार्ह आहे
