विधान परिषद प्रश्नोत्तरे :उरण फाटा येथे पारसिक हिलवर झालेल्या वृक्षतोडीची चौकशी- मंत्री उदय सामंत
मुंबई, प्रतिनिधी- नवी मुंबई मधील सीबीडी बेलापूर येथील उरण फाटा येथे पारसिक हिलवर वृक्षतोडीबाबत पाहणी करण्यात आली आहे. पारसिक हिल ठिकाणी उच्च विद्युत वाहिनी पॉवर कॉरिडॉर असून वृक्षामुळे विद्युत पुरवठा खंडित होऊ नये, यासाठी फक्त झुडुपाची छाटणी केली आहे. येथे वृक्षतोड झाली आहे का, याबाबत चौकशी केली जाईल, अशी माहिती मंत्री उदय सामंत यांनी प्रश्नोत्तराच्या तासात दिली.
विधान परिषद सदस्य भाई जगताप, शशिकांत शिंदे यांनी यासंदर्भात प्रश्न विचारला होता, त्यावेळी मंत्री श्री.सामंत यांनी उत्तर दिले.मंत्री श्री.सामंत म्हणाले की, आजबाजूच्या परिसरात बांधकाम चालू करण्यासाठी अनधिकृत जंगलतोड होत असेल, तर याची चौकशी करण्यात येईल आणि त्याच्यावर कठोर कार्यवाही केली जाईल.
0000
