राष्ट्रीय क्रीडा दिनानिमित्त विविध उपक्रम
सांगली, प्रतिनिधी – जिल्हा क्रीडा अधिकारी कार्यालय सांगली आणि सांगली हायस्कूल सांगली यांच्या संयुक्त विद्यमाने राष्ट्रीय क्रीडा दिनानिमित्त खेळाडूंच्या रॅलीचे आयोजन करण्यात आले. यामध्ये विविध खेळ संघटना, त्यांचे खेळाडू यांनी मोठ्या संख्येने सहभाग नोंदवला. याप्रसंगी जिम्नॅस्टिक, हॉकी, कराटे, तायक्वांदो या खेळाची प्रात्यक्षिके सादर करण्यात आली. त्याचबरोबर आंतरराष्ट्रीय खेळाडू, राष्ट्रीय शालेय क्रीडा स्पर्धेमध्ये प्राविण्यप्राप्त खेळाडूंचा मान्यवरांच्या हस्ते सत्कार करण्यात आला.
राष्ट्रीय क्रीडा दिनाचे औचित्य साधून शासकीय अधिकारी व कर्मचारी यांच्या क्रिकेट स्पर्धांचे आयोजन करण्यात आले असून यामध्ये 22 संघांनी सहभाग नोंदवला आहे. स्पर्धेचे उद्घाटन जिल्हाधिकारी अशोक काकडे यांच्या हस्ते करण्यात आले. याप्रसंगी जिल्हा शल्यचिकित्सक डॉ. विक्रमसिंह कदम, जिल्हा अधीक्षक कृषि अधिकारी विवेक कुंभार, एस टी महामंडळाचे विभागीय व्यवस्थापक सुनिल भोकरे, मिरजचे उपविभागीय अधिकारी उत्तम दिघे, तहसीलदार अपर्णा मोरे धुमाळ यांच्यासह अन्य विभागाचे अधिकारी कर्मचारी उपस्थित होते.
00000
