माजी मुख्यमंत्री सुधाकररावजी नाईक साहेब यांच्या जयंतीनिमित्त 21 ऑगस्ट जलसंधारण दिवस म्हणून साजरा महा वॉकेथॉन २०२६ मध्ये समर्थ बहुउद्देशीय सेवाभावी संस्थेचा प्रथम क्रमांक
जालना : प्रतिनिधी- मृद व जलसंधारण विभाग, जालना यांच्या वतीने जिल्ह्यात आयोजित करण्यात आलेल्या महा वॉकेथॉन २०२६ स्पर्धेत अंबड तालुक्यातील समर्थ बहुउद्देशीय सेवाभावी संस्था, धाकलगाव यांनी उत्कृष्ट सहभाग नोंदवत प्रथम क्रमांकाचे पारितोषिक पटकावले.
संस्थेला प्रथम क्रमांकासाठी रोख ११,००० रुपयांचे पारितोषिक प्रदान करण्यात आले. हे पारितोषिक जिल्हाधिकारी मा. सौ. अशीमा मित्तल महापौर वंदनाताई मगरे मृद व जलसंधारण कार्यकारी अभियंता मृद व जलसंधारण विभाग उपकार्यकारी अभियंता जिल्हा परिषद मृद व जलसंधारण विभाग कार्यकारी अभियंता सलगर मॅडम यांच्या हस्ते संस्थेचे कोषाध्यक्ष राजू भाऊराव राठोड यांनी स्वीकारले.
यावेळी संस्थेचे अध्यक्ष गजानन पालवे, सचिव सतीश मुसळे, तसेच संस्थेचे राम खाडे,विक्रम चव्हाण, किरण सातव, राहुल डोईफोडे, मंगेश घुगे, जयंत कायंदे सर्व पदाधिकारी व सदस्य उपस्थित होते.
मृद व जलसंधारण, पर्यावरण संवर्धन तसेच जलसंधारणाच्या कार्याबाबत जनजागृती करण्याच्या उद्देशाने आयोजित या वॉकेथॉनमध्ये संस्थेने उत्स्फूर्त सहभाग घेत प्रथम क्रमांक मिळविल्याबद्दल संस्थेचे सर्वत्र कौतुक होत आहे.
समर्थ बहुउद्देशीय सेवाभावी संस्थेच्या या यशामुळे धाकलगाव व अंबड तालुक्याच्या शिरपेचात आणखी एक मानाचा तुरा रोवला गेला आहे.
