बॉलीवूड विनोदी अभिनेता मुस्ताक खान यांचे मुंबईतील नानावटी रुग्णालयात निधन

 बॉलीवूड प्रतिनिधी.-वेलकम, आशिकी चित्रपट अभिनेत्याचे निधन… कॅन्सरशी झुंज अपयशी…अभिनेते मुश्ताक खान यांचे आज वयाच्या 56 व्या वर्षी दुःखद निधन झाले. मुश्ताक खान हे कॅन्सरच्या गंभीर आजाराशी तोंड देत होते मात्र आज त्यांची ही झुंज अयशस्वी ठरली.

मुश्ताक खान यांनी वेलकम चित्रपटात छोटीशी पण तेवढीच स्मरणीय भूमिका निभावली होती. मालिका चित्रपटात ते विनोदी तसेच सहाय्यक भूमिकेत वावरले. गेली अनेक दशक त्यांनी प्रेक्षकांचे मनोरंजन केले. आज त्यांच्या निधनाच्या बातमीने हिंदी सृष्टीत मोठी हळहळ व्यक्त करण्यात येत आहे. मुश्ताक खान गेल्या जवळपास १५ दिवसांपासून मुंबईतील नानावटी रुग्णालयात दाखल होते. ते कर्करोगाशी झुंज देत होते. सुमारे पाच वर्षांपूर्वी त्यांना कर्करोगाचे निदान झाले होते. मात्र, अलीकडेच हा आजार पुन्हा बळावला होता. त्यानंतर त्यांची प्रकृती सातत्याने खालावत गेली. मुश्ताक खान यांच्या निधनाच्या बातमीने चित्रपटसृष्टीसह त्यांच्या चाहत्यांमध्ये शोककळा पसरली आहे. मुश्ताक खान यांनी आपल्या अभिनय कारकिर्दीत प्रामुख्याने सहाय्यक आणि विनोदी भूमिका साकारून स्वतःची वेगळी ओळख निर्माण केली होती. ‘वेलकम’ चित्रपटातील त्यांचा अंदाज प्रेक्षकांना विशेष आवडला होता. याशिवाय ‘आशिकी’, ‘मुझसे शादी करोगे’ आणि ‘हम हैं राही प्यार के’ यांसारख्या चित्रपटांमध्येही त्यांनी आपल्या अभिनयाची छाप सोडली.