अलिबाग राजा गणेशोत्सव मंडळ बिव्हळचाळ येथे लोकसंवाद कार्यक्रम उत्साहात संपन्न

रायगड-अलिबाग, द प्रतिन- माहिती व जनसंपर्क महासंचालनालय, जिल्हाधिकारी कार्यालय, जिल्हा माहिती कार्यालय यांच्या संयुक्त विद्यमाने अलिबाग राजा गणेशोत्सव मंडळ बिव्हळचाळ अलिबाग येथे लोकसंवाद कार्यक्रम उत्साहात संपन्न झाला.

 ‘लोकसंवाद-२०२६ या अभिनव उपक्रमाचे महत्त्व अधोरेखित करताना जिल्हा उद्योग केंद्राचे सहायक उद्योग अधिकारी सनी बनसोडे म्हणाले की, मुख्यमंत्री रोजगार निर्मिती कार्यक्रमांतर्गतसूक्ष्म व लघु उद्योगांना चालना देऊन युवकांना स्थानिक पातळीवर स्वयंरोजगाराच्या संधी उपलब्ध करून देण्यासाठी जिल्हा उद्योग आयुक्तालय, रायगड-अलिबागमार्फत मुख्यमंत्री रोजगार निर्मिती कार्यक्रम राबविण्यात येत आहे. या योजनेत उत्पादन उद्योगासाठी कमाल रु.१ कोटी, तर सेवा व कृषीपूरक व्यवसायांसाठी कमाल ₹५० लाख प्रकल्प मर्यादा आहे. पात्र लाभार्थ्यांना प्रवर्ग व क्षेत्रानुसार १५ टक्के ते ३५ टक्के पर्यंत अनुदान मिळू शकते. पात्र उद्योग: उत्पादन, सेवा, कृषीपूरक व्यवसाय, कुक्कुटपालन, मधुमक्षिकापालन, मत्स्यपालन, रेशीम उद्योग, ई-वाहतूक, खाद्य व्यवसाय, होमस्टे, जलक्रीडा व प्रवासी वाहतूक इत्यादी. पात्रता: किमान १८ वर्षे वय व स्थानिक रहिवासी असणे आवश्यक. रु.१० लाखांपेक्षा अधिक उत्पादन प्रकल्प तसेच रु.५ लाखांपेक्षा अधिक सेवा/कृषीपूरक प्रकल्पांसाठी किमान ८ वी उत्तीर्ण असणे आवश्यक. अर्ज प्रक्रिया ऑनलाइन: [maha-cmegp.gov.in](https://maha-cmegp.gov.in?utm_source=chatgpt.com),अधिक माहितीसाठी : जिल्हा उद्योग केंद्र, रायगड-अलिबाग / ग्रामीण भागासाठी जिल्हा खादी व ग्रामोद्योग कार्यालय येथे संपर्क साधावा.या कार्यक्रमाला अलिबाग राजा गणेशोत्सव मंडळ बिव्हळचाळ अलिबाग चे अध्यक्ष महेश कोटीयन तसेच विद्यार्थीनी, नागरिक उपस्थित होते.

0000