महामोर्चा *अनुसूचित जाती उपवर्गीकरण विरोधी महामोर्चाच्या ठाणे जिल्हास्तरीय तयारीला वेग आला असून या महामोर्चा कृती समितीच्या अध्यक्षपदी पंढरीनाथ गायकवाड यांची सर्वानुमते निवड
ठाणे – प्रतिनिधी अनुसूचित जाती उपवर्गीकरण विरोधी महामोर्चाच्या ठाणे जिल्हास्तरीय तयारीला वेग आला असून या महामोर्चा कृती समितीच्या अध्यक्षपदी पंढरीनाथ गायकवाड यांची सर्वानुमते निवड करण्यात आली आहे.
महाराष्ट्र सरकारच्या अनुसूचित जाती उपवर्गीकरण धोरणाच्या विरोधात सरसेनानी आनंदराज आंबेडकर यांच्या नेतृत्वाखाली तसेच डॉ. भीमराव आंबेडकर, डॉ. सुरेश माने, बबनराव घोलप आणि बाबुराव माने यांच्या मार्गदर्शनाखाली १० ऑक्टोबर २०२६ रोजी ठाणे जिल्हाधिकारी कार्यालयावर महामोर्चा काढण्यात येणार आहे.
मंगला हायस्कूल, कोपरी, ठाणे येथे नुकत्याच झालेल्या कृती समितीच्या बैठकीत पंढरीनाथ गायकवाड यांची निवड जाहीर करण्यात आली. बैठकीच्या अध्यक्षस्थानी आबासाहेब चासकर व इतर प्रमुख पदाधिकारी या बैठकीला उपस्थित होते.
ठाणे जिल्ह्यातील आंबेडकरी चळवळीतील सर्व राजकीय पक्ष, संघटना, संस्था, कर्मचारी व कामगार युनियन, बाजार संघटना तसेच वाहतूक संघटनांनी या महामोर्चाला सहकार्य करून तो यशस्वी करण्यासाठी मोठ्या संख्येने सहभागी व्हावे, असे आवाहन पंढरीनाथ गायकवाड यांनी केले आहे.
—
