एकरकमी परतावा (OTS) योजना थकबाकीदार लाभार्थीनी योजनेचा लाभ घेऊन कर्जमुक्त व्हावे

 रायगड-अलिबाग,द): प्रतिनिधी महाराष्ट्र राज्य इतरमागासवर्गीय (ओबीसी) वित आणि विकास महामंडळ मर्यादित, मुंबई यांची उपकंपनी शामराव पेजे कोकण इतर मागासवर्ग आर्थिक विकास महामंडळ लि., रायगड यांच्यामार्फत विविध कर्ज योजनेंतर्गत रायगड जिल्ह्यातील इतर मागास (ओबीसी) प्रवर्गातील लाभार्थीना स्वयंरोजगाराकरीता अल्पव्याजदराने कर्ज वितरीत करण्यात आलेले आहे. रायगड जिल्ह्यातील या महामंडळाच्या थकीत कर्ज रक्कम असलेल्या लाभार्थीनी “ओबीसी” महामंडळाच्या थकीत कर्जप्रकरणात संपूर्ण थकीत कर्ज रकमेचा एकरकमी भरणा करणाऱ्या लाभार्थीस थकीत व्याज रक्कमेत 50 टक्के सवलत देण्याबाबतची एकरकमी परतावा (OTS) योजना दि.31 मार्च 2027 पर्यंत राबविण्यात येत आहे. त्यानुसार, महामंडळाच्या थकबाकीदार लाभार्थीनी या योजनेचा लाभ घेऊन कर्जमुक्त व्हावे, असे आवाहन जिल्हा व्यवस्थापक, शामराव पेजे कोकण इतर मागासवर्ग आर्थिक विकास महामंडळ लि.अलिबाग गंगाधर डोईफोडे यांनी केले आहे.

००००००