जिल्ह्यातील पशुपालकांनी गोवर्गीय पशुधन टॅग करुन घ्यावे

 

 

 

ठाणे, प्रतिनिधी:- दि.05 जानेवारी 2024 च्या शासन निर्णयानुसार गाईच्या दुधासाठी पाच रुपये अतिरिक्त अनुदान देणेबाबत शासन निर्णय निर्गमित झालेला आहे. त्याच्या अनुषंगाने ठाणे जिल्ह्यामध्ये गोवर्गीय संख्या 76 हजार असून त्यापैकी 72 हजार जनावरांना टॅग करून त्याची प्रणालीवर यापूर्वीच नोंद करण्यात आलेली आहे.

 

काही नवीन गोवर्गीय पशुधन टॅग करण्याचे राहून गेले असतील तर त्यांनी नजीकच्या पशुवैद्यकीय दवाखान्यात जाऊन त्यांच्याकडे असलेल्या गोवर्गीय पशुधनास टॅग करून त्याची भारत प्रणालीवर नोंद करुन घ्यावी. जेणेकरून आपणास पशुसंवर्धन विभागाच्या विविध शासकीय योजनांचा लाभ घेता येईल, असे आवाहन जिल्हा परिषद जिल्हा पशुसंवर्धन अधिकारी डॉ. समीर तोडणकर आणि जिल्हा पशुसंवर्धन उपायुक्त डॉ. वल्लभ जोशी यांनी पशुपालकांना केले आहे.

 

000000000