अपघात गटविमा योजनेअंतर्गत नोंदणीकृत मच्छिमारांची माहिती सादर करण्याचे आवाहन
बुलढाणा, प्रतिनिधी : केंद्र पुरस्कृत अपघात गटविमा योजनेअंतर्गत बुलढाणा जिल्ह्यातील सर्व नोंदणीकृत मच्छिमार सहकारी संस्थांनी मच्छिमारांची माहिती सादर करण्याचे आवाहन मत्स्यव्यवसाय विभागाचे सहाय्यक आयुक्त सु.ग.गावडे यांनी केले आहे.
जिल्ह्यातील नोंदणीकृत सर्व मच्छिमार सहकारी संस्थांमधील नोंदणीकृत सभासदांना अपघात गटविमा योजनेअंतर्गत विमा संरक्षण व नैसर्गिक आपत्ती आल्यास त्यांच्या वारसांना विमा रक्कम मिळण्यासाठी माहिती सादर करणे अनिवार्य आहे.
ही माहिती सादर करतांना नोंदणीकृत मच्छिमार सहकारी संस्थेमधील प्रत्येक मच्छिमार सभासदाचे नाव व पत्ता, आधार कार्ड क्रमांक, जन्म दिनांक, बँकेचे खाते क्रमांक, आयएफएससी कोड, बँकेचे नाव व पत्ता, भ्रमणध्वनी क्रमांक, वारसाचे नाव इत्यादी माहिती संस्थेने विहीत नमुन्यात भरुन सहाय्यक आयुक्त मत्स्यव्यवसाय ( तांत्रिक), बुलढाणा, प्रशासकीय इमारत, पहिला माळा, बस स्टँड समोर, बुलढाणा या कार्यालयात स्वहस्ते तातडीने सादर करावे, असे आवाहन करण्यात आले आहे.
