एकविध खेळ संघटनांनी कागदपत्रे सादर करण्याचे आवाहन
सातारा प्रतिनिधी: एकविध खेळ संघटनांनी अद्याप क्रीडा स्पर्धांचे आयोजन करण्याकरिता आवश्यक कागदपत्रे सादर केलेली नाहीत अशा एकविध खेळ संघटनांनी जिल्हा क्रीडा अधिकारी कार्यालय, श्रीमंत छत्रपती शाहू जिल्हा क्रीडा संकुल, सातारा येथे ३१ जानेवारी, २०२५ पर्यंत कागदपत्रे सादर करावीत, असे आवाहन जिल्हा क्रीडा अधिकारी नितीन तारळकर यांनी केले आहे.
संस्था नोंदणी प्रमाणपत्र (धर्मादाय कार्यालयाकडील), महाराष्ट्र ऑलिम्पिक संघटनेचे संबंधित खेळाच्या राज्य संघटनेस मान्यता दिल्याचे पत्र, संबंधित खेळाच्या राज्य संघटनेने जिल्हास्तर संघटनेस मान्यता दिल्याचे पत्र, संघटना पदाधिकारी यादी व संपर्क क्रमांक, किमान गत वर्षीचे लेखा विवरण पत्र (ऑडीट रिपोर्ट), जिल्हास्तर संघटनेच्या अध्यक्ष व सचिव यांचे आधारकार्ड व सही नमुना. ही संपूर्ण कागदपत्रे विहित मुदतीत सादर करावे. अधिक माहितीसाठी क्रीडा अधिकारी रवी पाटील मोबाईल क्रमांक 9158822194 यांच्याशी संपर्क साधावा.0000
