जागतिक कर्करोग दिनानिमित्त मोफत तपासणी व निदान शिबीर

आरोग्य प्रतिनिधी –

बुलडाणा, : जागतिक कर्करोग दिनानिमित्त जिल्हा रुग्णालय बुलढाणा येथे दि. 4 फेब्रुवारी रोजी सकाळी 9 वाजेपासून सर्व वयोगटातील स्त्री पुरुषांची मोफत कर्करोग तपासणी व निदान शिबीराचे आयोजन करण्यात आले आहे. या शिबीराचा नागरिकांनी व रुग्णांनी लाभ घ्यावा, असे आवाहन जिल्हा शल्य चिकित्सक डॉ. भागवत भुसारी यांनी केले आहे.

  सार्वजनिक आरोग्य विभाग व जिल्हा रुग्णालय बुलढाणा यांच्या संयुक्त विद्यमाने शिबीराचे आयोजन करण्यात आले आहे. या शिबीरामध्ये स्तनाचा कर्करोग, स्त्री गर्भाशय कर्करोग, मुख कर्करोग रुग्णांची मोफत तपासणी केली जाणार असून कर्करोग तज्ज्ञ व स्त्रीरोग तज्ज्ञव्दारे तपासणी केली जाणार आहे. तरी या शिबीराचा लाभ घ्यावा.000