१० मे रोजी राष्ट्रीय लोकअदालतीचे आयोजन
सातारा, प्रतिनिधी महाराष्ट्र राज्य विधी सेवा प्राधिकरण, मुंबई यांच्या निर्देशाच्या अनुषंगाने जिल्हा व सत्र न्यायालय, सातारा, तसेच कराड, पाटण, फलटण, कोरेगांव, खंडाळा, वडूज, वाई, दहिवडी, म्हसवड, महाबळेवर,मेढा येथील तालुका न्यायालयांमध्ये १० मे २०२५ रोजी राष्ट्रीय लोकअदालतीचे आयोजन करण्यात आले आहे.
या राष्ट्रीय लोकअदालतीमध्ये न्यायालयातील प्रलंबित तडजोडीस पात्र दिवाणी व फौजदारी प्रकरणे, १३८ परिकाम्य लेख अधिनियमाची प्रकरणे, भूसंपादन प्रकरणे, कौटुबिक प्रकरणे, मोटार अपघात दावा प्रकरणे आदी प्रकरणे अदालतीसमोर ठेवण्यात आली आहेत. यात न्यायालयातील तडजोडीस पात्र प्रलंबित तसेच वाद दाखल पूर्व प्रकरण दोन्ही पक्षकारांच्या सहमतीने आपसी तडजोडीने निकाली काढण्यात येणार आहेत. पक्षकार, अधिवक्ता तसेच नागरिकांनी १० मे २०२५ रोजी आयोजित राष्ट्रीय लोक अदालतीसमोर मोठ्या प्रमाणात प्रकरणे ठेवून आपसी तडजोडीने निकाली काढावीत, असे आवाहन सुरेखा कोसमकर, प्रमुख जिल्हा व सत्र न्यायाधीश, जिल्हा न्यायालय, सातारा यांनी केले आहे.
००००
