फळपीक विमा योजनेत सहभागासाठी ई-पीक पाहणी करण्याचे आवाहन

सांगली, प्रतिनिधी: फळपीक विमा योजनेत मृग बहारातील संत्रा, मोसंबी, डाळिंब, पेरू, चिकू, लिंबू, सीताफळ, द्राक्ष फळबागांचा विमा उतरविण्यासाठी कृषी विभागाचे पोर्टल सुरू करण्यात आले आहे. लिंबू, द्राक्ष, पेरू, संत्रा पीकांसाठी 30 जूनची मुदत असून अन्य पिकांसाठी 14 व 31 जुलै अशी मुदत आहे. पुनर्रचित हवामान आधारित फळपीक विमा योजनेत सहभागी होणाऱ्या शेतकऱ्यांनी ई-पीक पाहणी करणे बंधनकारक आहे. अन्यथा दि. १२ जून २०२४ रोजीच्या शासन निर्णयामधील तरतुदीनुसार ई-पिक पाहणीची नोंद नसलेले सर्व विमा अर्ज रद्द करण्यात येतील, याची नोंद घ्यावी. फळपीक विमा योजनेत सहभागी होणाऱ्या शेतकऱ्यांनी ई-पीक पाहणी करावी, असे आवाहन जिल्हा अधिक्षक कृषि अधिकारी विवेक कुंभार यांनी केले आहे.

00000