दिव्यांग सशक्तीकरणाचे काम करणाऱ्या संस्था,व्यक्तीचे पुरस्कारसाठीअर्ज सादर करावेत.

छत्रपती संभाजीनगर, द प्रतिनिधी)- दिव्यांग व्यक्तींच्या सशक्तीकरणासाठी कार्यरत असलेल्या संस्था आणि व्यक्तींसाठी भारत सरकारने राष्ट्रीय दिव्यांग सशक्तीकरण पुरस्कार 2025 साठी अर्ज मागविले आहेत. अर्ज दिनांक 15 जुलै 2025 पर्यंत अर्ज सादर करण्याचे आवाहन करण्यात आले आहे.या पुरस्काराने दिव्यांग व्यक्तींच्या जीवनात सकारात्मक बदल घडवण्यासाठी महत्त्वपूर्ण योगदान देणाऱ्या व्यक्ती आणि संस्थांना सन्मानित केले जाते. अर्ज आणि नामांकने केंद्रीय मंत्रालयाच्या अधिकृत संकेतस्थळ www.awards.gov.in वर ऑनलाइन पद्धतीने भरायची आहेत.अर्जदारांना पोर्टलवर उपलब्ध असलेल्या विशिष्ट नमुन्यातील माहिती भरणे, तसेच त्यांनी केलेल्या प्रेरणादायी कार्याचे आणि योगदानाचे सविस्तर वर्णन सादर करणे आवश्यक आहे. अपूर्ण किंवा विहित नमुन्यात नसलेले अर्ज स्वीकारले जाणार नाहीत. पात्रता निकष आणि इतर तपशिलांसाठी, संबंधित विभागाच्या वेबसाइटला भेट देण्याचे आवाहन करण्यात आले आहे. राष्ट्रीय पुरस्कारांसंबंधी अधिक माहितीसाठी ही www.awards.gov.in या संकेतस्थळावर उपलब्ध आहे.

दिव्यांग सशक्तीकरणासाठी कार्यरत असलेल्या संस्था आणि व्यक्तींनी आपले अर्ज त्वरित सादर करावेत, असे आवाहन जिल्हा परिषदेचे समाज कल्याण अधिकारी, साहेबराव चव्हाण यांनी प्रसिद्धी पत्रकाद्वारे केले आहे.

0000