मागासवर्गीय मुलींचे शासकीय वसतिगृह घणसोली, सेक्टर-2 वसतिगृहाकरिता खाजगी इमारत भाडेतत्वावर घेण्याकरीता इच्छुक इमारत मालकांचे अर्ज करावेत

ठाणे, प्रतिनिधी:- सामाजिक न्याय विभाग, महाराष्ट्र शासन यांच्यामार्फत सन 2025-26 मध्ये घणसोली, सेक्टर-2, नवी मुंबई, जि.ठाणे येथे 250 विद्यार्थीनी संख्येचे शासकीय वसतिगृह सुरु करण्यात येणार आहे. त्याकरिता वसतीगृहासाठी घणसोली, सेक्टर-2, नवी मुंबई परिसरातील इमारत मालक/बांधकाम विकासक यांच्याकडून खालील तपशीलातील नमूद अटी व शर्तीच्या अधिन राहून अर्ज/निविदा मागविण्यात येत आहेत.वसतिगृहाचे नाव: मागासवर्गीय मुलींचे शासकीय वसतिगृह घणसोली, सेक्टर-2, नवी मुंबई, जि.ठाणे.

इमारतीचा तपशील:1. खाजगी इमारत घणसोली, सेक्टर-2, नवी मुंबई परिसरात असणे आवश्यक आहे. 2. किमान क्षेत्रफळ 20,000 चौ. फुट असावे. 3. या इमारतीमध्ये 25 स्वच्छतागृह व 25 स्नानगृहाची सुविधा असावी. 4. ही इमारत अधिकृत असावी व पूर्णत्वाचा दाखला असावा. 5. इमारतीचे भाडे कार्यकारी अभियंता, सार्वजनिक बांधकाम विभाग यांनी ठरविल्यानुसार इमारत मालक देण्यास तयार असल्याबाबत संमतीपत्र देणे आवश्यक राहील.तरी इच्छुक इमारत मालक / बांधकाम विकासक यांनी सहायक आयुक्त, समाज कल्याण, ठाणे, 4 था मजला, डॉ.बाबासाहेब आंबेडकर सामाजिक न्याय भवन, दत्तवाडी, स्वामी समर्थ मठासमोर, कळवा, ठाणे यांच्याकडे लेखी स्वरुपात अर्ज करावेत, असे आवाहन समाज कल्याण सहायक आयुक्त समाधान इंगळे यांनी केले आहे.

00000