वृद्धाश्रमातील वृद्धांना भोजनासाठी डायनींग टेबल दिले भेट *
चिखली प्रतिनिधी -: मानवसेवा प्रकल्प अंतर्गत तुकाराम आश्रय वृद्धाश्रमात, भोकर ता चिखली येथे प्रा पी जी सवडतकर यांनी सदिच्छा भेट दिली असता वृद्धाश्रमातील वृद्ध हे खाली बसून भोजन करतांना आढळून आले याची दखल घेत त्यांना भोजन करण्यासाठी दोन डायनींग टेबल व आठ खुर्ची भेट दिली आहे.
वृद्धाश्रमात निराधार बेघर घरातून काढून दिलेले नातेवाईक असून त्याचा सांभाळ करण्यास असक्षम आहे अशा वृद्धाना प्रशांत डोंगरदिवे व रुपाली डोंगरदिवे हे निरंतर सेवा देत असल्यामुळे सवडतकर परिवाराच्या वतीने छोटीशी मदत भेट दिली
तसेच ऋणानुबंध समाज विकास संस्था चिखली व्दारा संचालित मानवसेवा प्रकल्प अंतर्गत कायम विनाअनुदानित तुकाराम आश्रय वृध्दाश्रम भोकर येथे वयोवृध्द आणि डिपेन्डंट व्यक्तींसाठी सर्व सोईसुविधा सह निवासी आश्रम गेल्या चार वर्षांपासून सुरु आहे. येथे गरजवंत निराधार आहेत अशा वयोवृध्द व चालते फिरते भिक्षा मागणारे आजोबा-आजी, डिपेन्डंट व्यक्ती इत्यादींसाठी या तुकाराम आश्रय वृध्दाश्रमाची सर्व प्रकरची निःस्वार्थ मोफत सेवा देणे सुरु आहे. येथील वृद्धाना भोजन करण्यासाठी प्रा पी जी सवडतकर यांनी दोन डायनींग टेबल व आठ खुर्ची देऊन मदत केली आहे. तसेच चिखली परिसरातील दान दात्यानी मोठया मनाने समोर येऊन निराधार वृद्धाच्या सेवे करिता शक्य होईल ती भरीव मदत करून निराधार वृद्धाच्या चेहऱ्यावर स्मित हास्य फुलविण्याचा प्रयत्न करावा असे आवाहन प्रा पी जी सवडतकर व युवराज भुसारी पाटील यांनी केले. तर कुठेही निराधार बेघर मुलं मुली व इतर नातेवाईक असून सुद्धा त्यांचा सांभाळत नसतील अश्या वृद्धानी 8855850378 या नंबर ला संपर्क करावा असे आवाहन वृद्धाश्रमाचे संचालक प्रशांत डोंगरदिवे यांनी केले आहे.
