पंतप्रधानांनी गाझा शांतता कराराच्या यशाबद्दल अमेरिकेचे राष्ट्राध्यक्ष ट्रम्प यांचे केले अभिनंदन
नवी दिल्ली, प्रतिनिधी-पंतप्रधान नरेंद्र मोदी यांनी अमेरिकेचे राष्ट्राध्यक्ष डोनाल्ड ट्रम्प याच्याशी संवाद साधला आणि ऐतिहासिक गाझा शांतता कराराच्या यशाबद्दल ट्रम्प यांचे अभिनंदन देखील केले.
या चर्चेदरम्यान, दोन्ही नेत्यांनी सध्या सुरु असलेल्या व्यापारविषयक वाटाघाटींमध्ये झालेल्या उत्तम प्रगतीचा आढावा देखील घेतला. दोन्ही देशांतील द्विपक्षीय सहकार्य आणखी मजबूत करण्यासाठी येत्या आठवड्यांमध्ये एकमेकांच्या संपर्कात राहण्याचे या नेत्यांनी मान्य केले.
एक्स मंचावरील संदेशात पंतप्रधान मोदी म्हणतात;“माझे मित्र राष्ट्राध्यक्ष ट्रम्प यांच्याशी बोललो आणि ऐतिहासिक गाझा शांतता कराराच्या यशाबद्दल त्यांचे अभिनंदन केले. तसेच व्यापारविषयक वाटाघाटींमध्ये झालेल्या उत्तम प्रगतीचा आढावा देखील घेतला. येत्या आठवड्यांमध्ये एकमेकांच्या सतत संपर्कात राहण्याला सहमती दर्शवली.
