इस्त्रायल-हमासच्या युद्धबंदीनंतर आता हमासने शांततेच्या मार्गाने पहिले पाऊल. हमासने सर्व वीस इस्रायली ओलिसांची सुटका केली
विदेश प्रतिनिधी-इस्त्रायल-हमासच्या युद्धबंदीनंतर आता हमासने शांततेच्या मार्गाने पहिले पाऊल उचलले आहे. हमासने सर्व वीस इस्रायली ओलिसांची सुटका केली आहे. इस्त्रायली पंतप्रधान बेंजामिन नेतान्याहू आणि सेनादलाने या बातमीला दुजोरा दिला आहे. ओलिसांच्या सुटकेमुळे दोन्ही देशांमध्ये सकारात्मक वातावरण निर्माण झाले आहे.
अमेरिकेचे राष्ट्राध्यक्ष डोनाल्ड ट्रम्प यांच्या मध्यस्थीखाली इस्रायल आणि हमास यांनी गाझा युद्धविराम कराराच्या पहिल्या टप्प्याला मान्यता दिली होती.
या करारामुळे आता गाझामध्ये शांततेची आशा निर्माण झाली आहे. या कराराच्या पहिल्या टप्प्यात, इस्रायलने आपले सैन्य गाझामधून मागे घेणे, एक हजार सातशेपेक्षा जास्त फिलिस्तिनी कैद्यांची सुटका करण्याचे मान्य केले. तर हमास सर्व वीस इस्रायली ओलिसांची सुटका करेल, हे मान्य केले होते.
त्यादृष्टीने हमास पहिले पाऊल टाकले आहे. याआधी इस्त्रायलने गाझामधून आपले सैन्य मागे घेण्यास सुरुवात केली होती.
यादरम्यान गाझा पट्ट्यातील नागरिकांसाठी आंतरराष्ट्रीय मदत आणि पुनर्वसन कार्यक्रम सुरू करण्याचा निर्णय घेण्यात आला आहे.
