वडाळा येथील भक्ती_पार्क येथील एम एम आर डी ए कॉलनीतील एस.टी.पी. प्लांटमध्ये अज्ञात पुरुषाचा मृतदेह सापडला, परिसरात खळबळ
मुंबई प्रतिनिधी-#भक्ती_पार्क येथील MMRDA कॉलनीतील एस.टी.पी. प्लांटमध्ये अज्ञात पुरुषाचा मृतदेह सापडला — #वाडाळा टी.टी. पोलिसांकडून तपास सुरू
भक्ती पार्क परिसरातील MMRDA कॉलनीतील सांडपाणी शुद्धीकरण केंद्रात (STP प्लांट) आज एक अज्ञात पुरुषाचा विघटित अवस्थेतील मृतदेह आढळून आला आहे. या घटनेमुळे परिसरात खळबळ उडाली आहे.
घटनेची माहिती मिळताच वाडाळा टी.टी. पोलिस आणि अग्निशमन दलाचे पथक तत्काळ घटनास्थळी दाखल झाले. पोलिसांच्या उपस्थितीत मृतदेह बाहेर काढण्याचे काम सुरू असून, मृत व्यक्तीची ओळख अद्याप पटलेली नाही.
मृत्यूचे कारण समजण्यासाठी पोलिसांनी तपास सुरू केला आहे. प्राथमिक चौकशीनंतर मृतदेह शवविच्छेदनासाठी पाठविण्यात येणार असल्याचे पोलिसांनी सांगितले.या घटनेमुळे भक्ती पार्क परिसरात भीतीचे आणि तर्कवितर्कांचे वातावरण निर्माण झाले आहे.
