पनवेल महानगरपालिका सार्वत्रिक निवडणूक – २०२५ साठी आरक्षण जाहीर*

राज्य प्रतिनिधी- पनवेल महानगरपालिका सार्वत्रिक निवडणूक – २०२५ साठी आद्य क्रांतिवीर वासुदेव बळवंत फडके नाट्यगृहात आयुक्त मंगेश चितळे यांच्या मार्गदर्शनाखाली आज दिनांक 11 नोव्हेंबर रोजी आरक्षण निश्चिती करण्यासाठी सोडतीचे आयोजन करण्यात आले. या सोडतीमध्ये वीस प्रभागातील अनुसूचित जाती (महिला), अनुसूचित जमाती (महिला), नागरिकांचा मागासवर्ग प्रवर्ग, नागरिकांचा मागासवर्ग प्रवर्ग (महिला) व सर्वसाधारण (महिला) यांचे आरक्षण जाहीर करण्यात आले.

यावेळी अतिरीक्त आयुक्त(1) गणेश शेटे, अतिरीक्त आयुक्त (2) महेशकुमार मेघमाळे, उपायुक्त डॉ. वैभव विधाते, उपायुक्त नानासाहेब कामठे, उपायुक्त प्रसेनजित कारलेकर, सचिव अक्षय कदम,उपायुक्त वैभव विधाते, कार्यकारी अभियंता सुधीर सांळुखे, आरेखक नितीन हुद्दार, मुख्य जनसंपर्क अधिकारी डॉ. राजू पाटोदकर आदी अधिकारी व कर्मचारी उपस्थित होते.

 प्रारूप आरक्षणावरती हरकती व सूचना मागविण्यासाठी विहीत नमुन्यात 17 नोव्हेंबर 2025 पर्यंत प्रसिध्द करण्यात येणार आहेत. तर प्रारूप आरक्षणावरती हरकती व सूचना मागविण्याची अंतिम तारीख 24 नोव्हेंबर2025 असणार आहे. तसेच 2 डिसेंबर रोजी अंतिम आरक्षण विहीत नमुन्यात शासन राजपत्रात प्रसिध्द करण्यात येणार आहे.

यावेळी मोठ्या प्रमाणात नागरिक नाट्यगृहात उपस्थित होते.

0000