शासकीय रूग्णालय मिरज येथे मॉड्युलर आयसीयूचे लोकार्पण,शासकीय रूग्णालय सांगली येथील मॉड्यूलर ऑपरेशन थिएटरचे उद्घाटन
सांगली, प्रतिनिधी): वैद्यकीय शिक्षण विभागाची जबाबदारी स्वीकारल्यापासून मिरज व सांगलीच्या शासकीय रुग्णालयांमध्ये मोठ्या प्रमाणावर सुधारणा करण्याचा प्रयत्न केला आहे. सामान्य नागरिकांना खासगी रुग्णालयाचा खर्च परवडत नाही. त्यामुळे गोरगरीब रुग्णांना दर्जेदार उपचार मिळावेत आणि त्यांना खासगी रुग्णालयात जाण्याची गरज पडू नये, हीच शासनाची भूमिका असून राज्यामध्ये शासकीय रुग्णालयातील वैद्यकीय सेवा बळकट करण्याचे प्रयत्न करण्यात येत आहेत, असे प्रतिपादन वैद्यकीय शिक्षण मंत्री हसन मुश्रीफ यांनी आज येथे केले.
शासकीय वैद्यकीय महाविद्यालय, मिरज येथील मॉड्युलर आय.सी.यु. चे लोकार्पण व केंद्र पुरस्कृत ईडब्ल्यूएस (EWS) योजनेअंतर्गत लेक्चर हॉल व वसतिगृहांच्या कामांचे भूमिपूजन, तसेच पद्मभूषण डॉ. वसंतदादा पाटील शासकीय रूग्णालय सांगली येथील मॉड्युलर ऑपरेशन थिएटरचे उद्घाटन वैद्यकीय शिक्षण मंत्री हसन मुश्रीफ यांच्या हस्ते झाले. या अनुषंगाने पद्मभूषण डॉ. वसंतदादा पाटील शासकीय रूग्णालय सांगली येथे आयोजित कार्यक्रमात ते बोलत होते. यावेळी आमदार इद्रिस नायकवडी, आमदार सुधीर गाडगीळ, जिल्हाधिकारी डॉ. मैनाक घोष, शासकीय वैद्यकीय महाविद्यालय व रूग्णालयाचे अधिष्ठाता डॉ. प्रकाश गुरव, उपअधिष्ठाता डॉ. श्रीकांत अहंकारी, वैद्यकीय उपअधिक्षक डॉ. रूपेश शिंदे आदि उपस्थित होते.मुश्रीफ म्हणाले, सांगली सिव्हील हॉस्पिटलमध्ये राज्य शासनाच्या निधीमधून सात मॉड्युलर ऑपरेशन थिएटर मंजूर करण्यात आले. त्यातील 5 मॉड्युलर ऑपरेशन थिएटरचे लोकार्पण करण्यात आले. त्यासाठी राज्य शासनाने सुमारे २० कोटी रूपयांचा निधी मंजूर करून दिला आहे. याचा गोरगरीब रूग्णांना फायदा होणार आहे. मिरज सिव्हिल हॉस्पिटलमध्ये 40 बेडचा मॉड्युलर आयसीयु राज्य शासनाच्या निधीतून तयार करण्यात आला आहे. त्यामुळे मोफत तसेच कमी पैशांमध्ये वैद्यकीय सुविधा देणे शक्य झाले आहे. राज्य शासनाने राज्यात पहिली डिजिटल ब्रेन अंन्जीओग्राफी मशीन मिरज मध्ये मंजूर करून सुरू केली आहे. त्यामुळे गुंतागुंतीच्या शस्त्रक्रिया करणे सोपे झाले आहे. याशिवाय रुग्णालयात लिथोट्रिप्सी, आधुनिक लॅप्रोस्कोपी, इको व सोनोग्राफी मशीन उपलब्ध करून देण्यात आले आहेत. ३ टेस्ला एमआरआय मशीनमुळे आतापर्यंत १५ हजारांहून अधिक रुग्णांना लाभ झाला असल्याचे त्यांनी सांगितले.शासकीय वैद्यकीय महाविद्यालय, मिरज येथील मॉड्युलर आय.सी.यु. चे लोकार्पण व केंद्र पुरस्कृत ईडब्ल्यूएस (EWS) योजनेअंतर्गत लेक्चर हॉल व वसतिगृहांच्या कामांचे भूमिपूजन, तसेच पद्मभूषण डॉ. वसंतदादा पाटील शासकीय रूग्णालय सांगली येथील मॉड्युलर ऑपरेशन थिएटरचे उद्घाटन वैद्यकीय शिक्षण मंत्री हसन मुश्रीफ यांच्या हस्ते झाले. या अनुषंगाने पद्मभूषण डॉ. वसंतदादा पाटील शासकीय रूग्णालय सांगली येथे आयोजित कार्यक्रमात ते बोलत होते. यावेळी आमदार इद्रिस नायकवडी, आमदार सुधीर गाडगीळ, जिल्हाधिकारी डॉ. मैनाक घोष, शासकीय वैद्यकीय महाविद्यालय व रूग्णालयाचे अधिष्ठाता डॉ. प्रकाश गुरव, उपअधिष्ठाता डॉ. श्रीकांत अहंकारी, वैद्यकीय उपअधिक्षक डॉ. रूपेश शिंदे आदि उपस्थित होते.
00
