नसरापूर बलात्कार व खून खटल्यासाठी विशेष सरकारी वकील म्हणून ॲड. अजय मिसर यांची नियुक्ती!
राज्य प्रतिनिधी-पुणे जिल्ह्यातील भोर तालुक्यातील नसरापूर येथील धक्कादायक बलात्कार व खून खटल्यात पीडितेला न्याय मिळवून देण्यासाठी महाराष्ट्र सरकारने मोठे पाऊल उचलले आहे. नाशिकचे जिल्हा सरकारी वकील आणि राज्याचे विशेष सरकारी वकील ॲड. अजय मिसर यांची या खटल्यासाठी विशेष सरकारी वकील म्हणून नियुक्ती करण्यात आली आहे
मुख्यमंत्र्यांचा आदेश: मुख्यमंत्री श्री. देवेंद्र फडणवीस यांच्या आदेशावरून ही महत्त्वाची नियुक्ती करण्यात आली असून, राज्यपालांच्या स्वाक्षरीने तसा अध्यादेशही पारित झाला आहे.
अनुभव: ॲड. अजय मिसर हे २०१६ पासून नाशिकचे जिल्हा सरकारी वकील म्हणून कार्यरत आहेत. त्यांच्याकडे गुंतागुंतीचे आणि संवेदनशील खटले चालवण्याचा दांडगा अनुभव आहे.
गाजलेले खटले: त्यांनी यापूर्वी रवी पुजारी विरुद्धचे खटले, मालेगाव बॉम्बस्फोट, २०११ साखळी बॉम्बस्फोट आणि लष्करे तोयबाच्या अतिरेक्यांविरुद्धचे खटले यशस्वीरीत्या हाताळले आहेत. नाशिकच्या गाजलेल्या सातोते खून खटल्यात सर्वच्या सर्व आरोपींना फाशीची शिक्षा मिळवून देण्यात त्यांचा सिंहाचा वाटा होता.
तातडीने सुनावणी: या प्रकरणात विशेष न्यायालयाची स्थापना करण्यात आली असून, लवकरात लवकर दोषारोपपत्र दाखल करून जलद गतीने सुनावणी पूर्ण व्हावी.
पीडितेला लवकरात लवकर आणि कठोर न्याय मिळावा हीच अपेक्षा! ⚖️🙏
