विशेष सखोल पुनरीक्षण मोहिमेत उपविभागीय अधिकारी सुधीर पाटील यांचा पुढाकार स्वतःचे गणना प्रपत्र भरून केले डिजिटायझेशन नागरिकांनाही विहित मुदतीत प्रक्रिया पूर्ण करण्याचे आवाहन

अहिल्यानगर, प्रतिनिधी : भारत निवडणूक आयोगाच्या विशेष सखोल पुनरीक्षण -२०२६ मोहिमेअंतर्गत अहिल्यानगरचे उपविभागीय अधिकारी तथा सहायक निवडणूक नोंदणी अधिकारी सुधीर पाटील यांनी स्वतःचे गणना प्रपत्र भरून त्याचे डिजिटायझेशन पूर्ण केले. मतदार पुनरीक्षण प्रक्रियेत स्वतः सक्रिय सहभाग नोंदवून त्यांनी नागरिकांसमोर आदर्श निर्माण केला.तहसील कार्यालयात श्री. पाटील यांनी स्वतः भरलेले गणना प्रपत्र संबंधित अधिकाऱ्यांकडे सादर केले. यावेळी महसूल विभागातील अधिकारी व कर्मचारी उपस्थित होते.यावेळी श्री. पाटील म्हणाले की, मतदार यादी अचूक, अद्ययावत व त्रुटिरहित ठेवण्यासाठी प्रत्येक पात्र मतदाराने आपले गणना प्रपत्र विहित मुदतीत भरून त्याचे डिजिटायझेशन करून घेणे आवश्यक आहे. नागरिकांनी मतदान केंद्रस्तरीय अधिकारी यांना आवश्यक सहकार्य करून ही प्रक्रिया वेळेत पूर्ण करावी.

तसेच, कुटुंबातील सर्व पात्र मतदारांनी आपापली गणना प्रपत्रे भरून त्यांचे डिजिटायझेशन पूर्ण करावे व लोकशाही बळकट करण्यासाठी सक्रिय सहभाग नोंदवावा, असे आवाहनही त्यांनी केले.

0000