गुणवंत मुलांचे शासकीय वसतिगृह मिरज येथे प्रवेशासाठी अर्ज करण्याचे आवाहन
सांगली, प्रतिनिधी: सामाजिक न्याय विभाग, महाराष्ट्र शासनांतर्गत कार्यरत गुणवंत मुलांचे शासकीय वसतिगृह, मिरज येथे शैक्षणिक वर्ष 2026-27 साठी प्रवेश प्रक्रिया सुरू झाली असून पात्र विद्यार्थ्यांनी ऑनलाइन अर्ज करण्याचे आवाहन वसतिगृहाचे अधीक्षक यांनी प्रसिध्दीपत्रकाव्दारे केले आहे.
प्रसिध्दीपत्रकात म्हटले आहे की, इयत्ता 11 वी, 12 वी तसेच प्रथम वर्षातील व्यावसायिक व बिगर व्यावसायिक (बी.एस्सी., बी.कॉम., बी.ए.) अभ्यासक्रमांमध्ये शिक्षण घेणाऱ्या अनुसूचित जाती, अनुसूचित जमाती, आर्थिक मागास, विमुक्त जाती व भटक्या जमाती, विशेष मागास प्रवर्ग, अपंग व अनाथ विद्यार्थ्यांना वसतिगृहात प्रवेश दिला जाणार आहे. प्रवेशासाठी इच्छुक विद्यार्थ्यांनी https://hmasnew.mahait.org/ या संकेतस्थळावर ऑनलाइन अर्ज करावा.
वसतिगृहात विनामूल्य प्रवेश, मोफत निवास व भोजन, स्टेशनरीसाठी 4 हजार रुपये, दरमहा 1 हजार रुपये निर्वाह भत्ता तसेच सहल व गणवेशासाठी 4 हजार रुपये अशा विविध सुविधा उपलब्ध आहेत. अधिक माहितीसाठी अधीक्षक, गुणवंत मुलांचे शासकीय वसतिगृह, रमा उद्यान, मेडिकल कॉलेज ग्राउंड शेजारी, मिरज येथे संपर्क साधावा, असे आवाहन अधीक्षक यांनी केले आहे.
0000
