संजय गांधी निराधार योजना सांगली शहर बैठकीत 30 प्रकरणांना मंजुरी
सांगली, प्रतिनिधी : संजय गांधी निराधार योजना सांगली शहर समितीची बैठक तहसीलदार तथा समितीच्या अध्यक्ष शुभांगी कनवाडे यांच्या अध्यक्षतेखाली २० जुलै २०२६ रोजी जिल्हाधिकारी कार्यालय, सांगली येथील संजय गांधी शाखेत संपन्न झाली. बैठकीत एकूण ४६ प्रकरणांवर विचार करण्यात आला. त्यापैकी संजय गांधी निराधार योजनेच्या ४१ प्रकरणांपैकी २७ प्रकरणे पात्र, तर १४ प्रकरणे अपात्र ठरविण्यात आली. तसेच श्रावणबाळ योजनेच्या ५ प्रकरणांपैकी ३ प्रकरणे पात्र, तर २ प्रकरणे अपात्र ठरविण्यात आली असल्याचे प्रसिध्दीपत्रकाव्दारे कळविण्यात आले आहे.
ऑगस्ट २०२६ महिन्यात पुढील बैठक होणार असल्याने पात्र लाभार्थ्यांनी आवश्यक कागदपत्रांसह अर्ज सादर करावेत, असे आवाहन तहसीलदार शुभांगी कनवाडे यांनी केले आहे.
00000
