म्यानमार आणि थायलंडमध्ये ७.७ रिश्टर स्केलच्या भूकंपात २५ जणांचा मृत्यू, ४३ जण बेपत्ता…

 

विदेश प्रतिनिधी-

बँकॉक/नेपिडो: म्यानमारच्या सागाईंग प्रदेशात ७.७ रिश्टर स्केलच्या शक्तिशाली भूकंपात म्यानमारमध्ये किमान २५ जणांचा मृत्यू झाला, तर थायलंडमध्ये एका व्यक्तीचा मृत्यू झाला. बँकॉकमध्ये बांधकाम सुरू असलेली इमारत या आपत्तीत कोसळल्याने ४३ कामगार बेपत्ता झाले आहेत.

🔹 भारताचा प्रतिसाद:भारत सरकारने परिस्थितीबद्दल चिंता व्यक्त करून सर्वतोपरी मदत देऊ केली आहे. पंतप्रधानांनी संबंधित अधिकाऱ्यांना सतर्क राहण्याचे आणि म्यानमार आणि थायलंडच्या सरकारांशी समन्वय राखण्याचे निर्देश दिले आहेत.

🔹 भारतीय दूतावासाची स्थिती:-बँकॉक आणि थायलंडच्या इतर भागात भूकंपाचे धक्के जाणवले आहेत. बँकॉकमधील भारतीय दूतावास परिस्थितीवर बारकाईने लक्ष ठेवून आहे आणि स्थानिक अधिकाऱ्यांशी समन्वय साधत आहे. अद्याप कोणत्याही भारतीय नागरिकाच्या जीवितहानी झाल्याचे वृत्त नाही.

🔹 आपत्कालीन संपर्क:-थायलंडमध्ये असलेले भारतीय नागरिक आपत्कालीन परिस्थितीत +66 618819218 वर संपर्क साधू शकतात. बँकॉकमधील भारतीय दूतावास आणि चियांग माईमधील वाणिज्य दूतावासातील सर्व सदस्य सुरक्षित आहेत.