कौशल्य विकास विभागामार्फत “संविधान दिन” मार्गदर्शन शिबीर

        सांगली, प्रतिनिधी) : जिल्हा कौशल्य विकास, रोजगार व उद्योजकता मार्गदर्शन केंद्र, सांगली कार्यालयातर्फे संविधान दिनानिमित्त श्रीमती मथुबाई गरवारे कन्या महाविद्यालय, सांगली येथे संविधान दिनाचे औचित्य साधून मार्गदर्शन शिबीराचे आयोजन करण्यात आले.

      या शिबीरासाठी जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त इनुजा शेख, श्रीमती मथुबाई गरवारे कन्या महाविद्यालयाचे प्राचार्य डॉ. अनिल सुगते, अॅड. स्वप्ना देशपांडे व श्रीयश एज्युकेशन ट्रेनिंग सेंटरचे विठ्ठल एडके आदि मान्यवर उपस्थित होते.

या शिबीरामध्ये अॅड. स्वप्ना देशपांडे यांनी संविधान ओळख व जनजागृती या विषयावर मार्गदशन केले. विठ्ठल एडके यांनी व्यक्तिमत्त्व विकास व संभाषण कौशल्य या विषयावर मार्गदर्शन केले. शिबीराची सुरुवात संविधानाची उद्देशिका वाचून व संविधान शपथ घेवून करण्यात आली. सूत्रसंचालन सुखदा कुलकर्णी यांनी केले. आभार सुनीता माळी यांनी मानले. शिबीरासाठी महाविद्यालयातील 204 युवती उपस्थित होत्या.

 

00000