संविधान दिनानिमित्त अंबरनाथ तालुक्यातील शासकीय कार्यालयांना संविधानाची प्रस्ताविका भेट

ठाणे प्रतिनिधी : दि. २६ नोव्हेंबर २०२५ रोजी भारतीय संविधान दिनानिमित्त अंबरनाथ तालुक्यातील विविध शासकीय कार्यालयांना सामाजिक कार्यकर्ते गौतम दाजीराम बचुटे यांनी संविधानाच्या उद्देशिकेच्या फ्रेम भेट म्हणून प्रदान केल्या

या उपक्रमात मा. न्यायाधीशिका जगताप मॅडम, हील लाईन पोलीस स्टेशन, उल्हासनगर येथील पोलीस उपनिरीक्षक सूर्यवंशी मॅडम, बदलापूर ग्रामीण रुग्णालयाच्या डॉ. हर्षदा पाटील, कुळगाव शहर पोलीस स्टेशन च्या पोलीस उपनिरीक्षक घारके मॅडम, श्री समर्थ विद्यालय, बदलापूरचे मुख्याध्यापक भीमराव ब्राह्मणे, तसेच कुळगाव–बदलापूर नगरपरिषदेचे सामान्य प्रशासन अधिकारी सिद्धार्थ पवार सर यांचा समावेश होता.संविधान दिनानिमित्त घेतलेल्या या उपक्रमातून संविधानातील मूल्यांचा प्रसार, नागरिकांमध्ये जागरूकता निर्माण करणे आणि प्रत्येकाने संविधानातील तत्त्वांचा अंगीकार करण्याची प्रेरणा देणे हा हेतू होता

यावेळी मान्यवरांनी संविधानाचा आदर ठेवणे, नागरिक म्हणून कर्तव्यपालन करणे आणि आगामी पिढीपर्यंत लोकशाही मूल्यांचे संवर्धन करण्याचे आवाहन केले. समाजासाठी अशी सकारात्मक उपक्रमशीलता प्रेरणादायी असल्याचेही त्यांनी नमूद केले.