संस्थाबाह्य संगोपनासाठी इच्छुक पालकांना जिल्हा प्रशासनाचे आवाहन

राज्य प्रतिनिधी-प्रत्येक बालकाला प्रेमळ, सुरक्षित आणि कुटुंबीय वातावरण मिळणे हा त्याचा मूलभूत अधिकार आहे. महिला व बाल विकास विभागांतर्गत जिल्हा प्रशासन, बुलढाणा यांच्यावतीने संस्थाबाह्य संगोपन (प्रायोजकत्व / प्रतिपालकत्व) योजनेसाठी इच्छुक पालकांनी पुढे येण्याचे आवाहन करण्यात येत आहे.

👶 कोणासाठी ही योजना?अनाथ, निराधार, परित्यागीत, असक्षम पालकांची किंवा दीर्घकाळ भेट नसलेली बालके – ज्यांना कुटुंबीय आधाराची गरज आहे.

✅ पात्रता निकष (संक्षेप):• शारीरिक, मानसिक, भावनिक व आर्थिकदृष्ट्या सक्षम• जीवघेणी वैद्यकीय स्थिती नसावी• गुन्हेगारी पार्श्वभूमी नसावी• विवाहित जोडप्यांसाठी दोन्ही जोडीदारांची संमती आवश्यक• एकल महिला : मुलगा / मुलगी दोन्ही स्वीकारू शकते• एकल पुरुष : फक्त मुलगा स्वीकारू शकतो• प्रेमळ व सुरक्षित वातावरण देण्याची बांधिलकी

🎯 वयोमर्यादा:बालक व अर्जदारांसाठीचे निकष नियमानुसार लागू📝 अर्ज प्रक्रिया:शासनाच्या अधिकृत पोर्टलवर ऑनलाइन अर्ज करा. पडताळणी व गृहभेटीनंतर प्रकरणाची शिफारस बाल कल्याण समिती, बुलढाणा कडे केली जाईल

🏠 कालावधी:अल्पकालीन (१ वर्ष) / दीर्घकालीन (१८ वर्षांपर्यंत – मूल्यांकनाधारे)

ℹ️ संपर्कासाठी:जिल्हा बाल संरक्षण कक्ष,जिल्हा महिला व बाल विकास अधिकारी कार्यालय, बुलढाणा📞 02762-299366📧 dcpubuldana@gmail.com👉 एका बालकाच्या आयुष्यात सकारात्मक बदल घडवण्याची संधी – आजच पुढे या!