आंतरराष्ट्रीय महिला दिनानिमित्त जिल्हास्तरीय “अस्मिता लीग” क्रीडा स्पर्धा उत्साहात संपन्न! 🏃♀️🏅
राज्य प्रतिनिधी-युवक कार्यक्रम व क्रीडा मंत्रालय यांच्या मार्गदर्शनाखाली मेरा युवा भारत (MY Bharat) व जिल्हा क्रीडा कार्यालय, बुलढाणा यांच्या संयुक्त विद्यमाने दि. ८ मार्च २०२६ रोजी तालुका क्रीडा संकुल, चिखली येथे जिल्हास्तरीय “अस्मिता लीग” क्रीडा स्पर्धांचे आयोजन करण्यात आले.
या स्पर्धेत १३ ते १८ वर्षांवरील मुली तसेच महिलांनी उत्स्फूर्त सहभाग नोंदवला. १०० मी., २०० मी. व ४०० मी. धावणे तसेच विविध मनोरंजनात्मक स्पर्धा उत्साहपूर्ण वातावरणात पार पडल्या.
कार्यक्रमास आमदार श्वेताताई महाले, नगराध्यक्ष पंडित दादा देशमुख, उपनगराध्यक्षा वैशालीताई खेडेकर, सहायक क्रीडा विकास अधिकारी अनुराधाताई सोळंकी, लेखाधिकारी रमेश अहिरकर, आकाश चाफेकर तसेच शिवछत्रपती पुरस्कार प्राप्त मान्यवर उपस्थित होते.तसेच खेलो इंडिया प्रशिक्षक अक्षय गोलांडे व आकाश साळोक यांच्यासह अनेक महिला व क्रीडाप्रेमींची उपस्थिती होती.
जिल्हा युवा अधिकारी प्रणीत सांगवीकर व जिल्हा क्रीडा अधिकारी बी. एस. महानकर यांनी सर्व सहभागी महिला व मुलींचे आभार मानत महिला दिनाच्या शुभेच्छा दिल्या.
