सामाजिक समता सप्ताहानिमित्त जेष्ठ नागरिकांचे जनजागृती शिबिर व मेळावा संपन्न
रायगड-अलिबाग, प्रतिनिधी सामाजिक समता सप्ताहाच्या निमित्ताने दि. १२ एप्रिल रोजी जेष्ठ नागरिकांसाठी जनजागृती शिबिर व मेळावा जेष्ठ नागरिक संघ हॉल, नागाव (ता. अलिबाग) येथे पार पडला. हा कार्यक्रम सुनिल जाधव, सहाय्यक आयुक्त, समाज कल्याण, रायगड यांच्या मार्गदर्शनाखाली आयोजित करण्यात आला होता.
कार्यक्रमास श्रीम. राजश्री म्हात्रे, श्री. श्रीयश खरोटे तसेच समाज कल्याण विभागातील इतर कर्मचारी उपस्थित होते. प्रतिमा पूजनाने कार्यक्रमाची सुरुवात करण्यात आली. त्यानंतर संविधानाच्या प्रस्ताविकेचे सामूहिक वाचन करण्यात आले.
या कार्यक्रमाचे प्रमुख व्याख्याते सेवानिवृत्त मुख्याध्यापक प्रकाश सोरटे यांनी जेष्ठ नागरिकांना विविध आरोग्यविषयक समस्यांबाबत मार्गदर्शन केले. यावेळी उपस्थित जेष्ठ नागरिकांची आरोग्य तपासणीही करण्यात आली.
कार्यक्रमाचे प्रास्ताविक श्रीम. राजश्री म्हात्रे यांनी केले, तर आभार प्रदर्शन श्रीयश खरोटे यांनी केले. कार्यक्रमास जेष्ठ नागरिकांचा उत्स्फूर्त प्रतिसाद लाभला.
0000
