ठाणे जिल्हा कबड्डी अससोसिएशनची कुमार/कुमारी गट निवड चाचणी २६ सप्टेंबर पासून…
ठाणे प्रतिनिधी – ठाणे जिल्हा कबड्डी असो. ची कुमार व कुमारी गट जिल्हा अजिंक्यपद निवड चाचणी कबड्डी स्पर्धा २६ सप्टेंबर पासून सुरु होणार. या स्पर्धेतून पालघर जिल्हा कबड्डी असोसिएशन च्या यजमान पदाखाली वसई विरार महानगरपालिकेच्या सहकार्याने वसई येथे होणाऱ्या कुमार -कुमारी गट राज्य अजिंक्यपद निवड चाचणी कबड्डी स्पर्धा दिनांक ८ ते २१ ऑक्टोबर २०२६ कालावधीत होणाऱ्या स्पर्धेसाठी सहभागी होणाऱ्या ठाणे जिल्ह्याच्या कुमार कुमारी संघ निवडण्यात येतील.
ठाण्यात कुमार गटाचे अधिक संघ असल्याने प्रथम ही स्पर्धा पाच विभागात खेळविण्यात आली. त्यातून ३० संघ या अंतिम स्पर्धेकरिता पात्र ठरले. त्यांची १० गटात विभागणी करण्यात आली. तर कुमारी गटाच्या ३६ संघांची १२ गटात विभागणी करण्यात आली असून सर्व सामने प्रथम साखळी व नंतर बाद पद्धतीने खेळीण्यात येतील.
कुमार गट स्पर्धा शनिवार दि. २६ व २७ सप्टेंबर २०२६ रोजी सकाळी ९ ते रात्री ९ या वेळेत, तसेच २८ ते ३० सप्टेंबर २०२६ रोजी दुपारी ३ ते रात्री १० या वेळेत खेळविण्यात येतील. ही स्पर्धा विजय-लव क्लब, काल्हेर यांच्या सहकार्याने घेण्यात येणार आहे. कुमारी गट स्पर्धा दि. २६ ते २९ सप्टेंबर या कालावधीत नगर शिक्षण प्रसारक मंडळ संचालित लोकमान्य गुरुकुल क्रीडा संकुल, एम. आय. डी. सी. सुदर्शन नगर, छत्रपती शिवाजी महाराज चौक, डोंबिविली (पूर्व ) येथे आयोजित करण्यात आली आहे. स्पर्धेशी संबंधित सर्वांनी वेळेवर उपस्थित राहून स्पर्धा यशस्वी करण्यास सहकार्य करावे असे आवाहन ठाणे जिल्हा कबड्डी असोसिएशन अध्यक्ष कृष्णा दादू पाटील यांच्याच्या वतीने करण्यात आले आहे.
—
