आय आय टी मुंबईतल्या साहिल वाकोडे या विद्यार्थ्याच्या कथित आत्महत्येप्रकरणी मुंबई पोलिसांनी या संस्थेतले प्राध्यापक सूर्यनारायण डुल्ला यांची काल सुमारे १० तास चौकशी केली.
मुंबई प्रतिनिधी
आय आय टी मुंबईतल्या साहिल वाकोडे या विद्यार्थ्याच्या कथित आत्महत्येप्रकरणी मुंबई पोलिसांनी या संस्थेतले प्राध्यापक सूर्यनारायण डुल्ला यांची काल सुमारे १० तास चौकशी केली. साहिलच्या पालकांनी प्राध्यापक डुल्ला यांच्यावर साहिलला आत्महत्या करायला प्रवृत्त केल्याचा आणि त्याच्याशी जाती आधारित भेदभाव केल्याचा आरोप केला आहे.
पवई येथील आयआयटी मुंबईतील (IIT Bombay) बीटेकचा विद्यार्थी साहिल वाकोडे याच्या कथित आत्महत्येप्रकरणी मुंबई पोलिसांकडून प्राध्यापक सूर्यनारायण डुल्ला यांची चौकशी सुरू असतानाच, या प्रकरणात आयआयटी प्रशासनाने मोठी कारवाई केली आहे. आयआयटी मुंबईने प्राध्यापक सूर्यनारायण डुल्ला यांना डीन पदावरून दूर केले आहे, तसेच साहिलच्या मृत्यूबाबत संस्थेने यापूर्वी केलेल्या वक्तव्यांबद्दल जाहीर माफीही मागितली आहे.
मिळालेली माहिती अशी की साहिल वाकोडे याच्या पालकांनी प्राध्यापक सूर्यनारायण डुल्ला यांच्यावर अत्यंत गंभीर आरोप केले आहेत. प्राध्यापकांनी साहिलला आत्महत्या करण्यास प्रवृत्त केले आणि त्याच्याशी जातीवर आधारित भेदभाव केला, असा आरोप पालकांनी केला.या आरोपांनंतर मुंबई पोलिसांनी प्राध्यापक डुल्ला यांची सुमारे १० तास कसून चौकशी केली आहे.
विद्यार्थ्यांमधील वाढता असंतोष आणि गंभीर आरोप लक्षात घेता,च्या वृत्तानुसार, आयआयटी प्रशासनाने प्राध्यापक डुल्ला यांना त्यांच्या डीन पदावरून तडकाफडकी हटवले आहे. यासोबतच, या संवेदनशील घटनेनंतर संस्थेने सुरुवातीला केलेल्या काही विधानांमुळे वाद निर्माण झाला होता, ज्याबद्दल प्रशासनाने आता अधिकृतपणे माफी मागितली आहे.या प्रकरणाचा पुढील तपास मुंबई पोलिस करत असून, कॅम्पसमधील जातीय भेदभाव आणि विद्यार्थ्यांच्या मानसिक आरोग्याचा मुद्दा पुन्हा एकदा ऐरणीवर आला आहे.
