बसमध्ये मिळणार विमानातील सुविधा पाच तरूणांनी एकत्रित येत घडविली ट्रॅव्हल्स क्षेत्रात क्रांती

ठाणे – प्रतिनिधी- बसप्रवासात एखाद्या प्रवाशाला नैसर्गिक विधी करावयाची असल्यास गाडी थांबवावी लागते. अनेकदा तर बस लागणाऱ्या प्रवाशांचा इतर प्रवाशांना प्रचंड त्रास सहन करावा लागतो. या सर्व समस्यांवर मात करून बिनत्रासाचा आणि निर्धोक प्रवास करता यावा, यासाठी एका ठाणेकरासह पाच तरूणांनी चक्क रेल्वे आणि विमानातील सुविधा पुरवता येतील, अशी बसगाडी रस्त्यावर उतरविली आहे.

 वेलो बस या कंपनीचा संचालक शैलेश बोरणारे के. व्हि. शेट्टी, दिलीप मानकुंबरे, पंकज सिंग आणि सुनील काटकर या पाचजणांनी प्रवासी वाहतुकीमध्ये क्रांती घडविणारी आंतरराज्यीय बससेवा सुरू केली आहे. सोमवारी या बससेवेचे उद्घाटन करण्यात आले.

वेलो बस या नावाने ही बससेवा मुंबई ते हैदराबाद, मुंबई ते इंदोर- उज्जैन, मुंबई ते गोवा, मुंबई- बेंगळुरू, आणि हैदराबाद ते गोवा मार्गावर धावणार आहेत. या बसमध्ये आरामदायक सिट्ससह फायर अलार्म, अग्निशमन यंत्रणा, लक्झरी सिट्स , सीसीटीव्ही, बेडशिट- ब्लँकेट, चार्जर 6 ते 7 आपत्कालीन मार्गासह बसमध्येच ऑनबोर्ड प्रसाधनगृहाचीही सुविधाही देण्यात आली आहे. पूर्णपणे वातानुकूलित असलेल्या या बीएस 6 प्रणालीच्या या बसगाड्या अत्यंत आरामदायी आणि वेगवान प्रवासाची हमी देणार्‍या असणार आहेत. शिवाय, बसमध्ये पाणी आणि इतर सुविधाही देण्यात येणार आहेत. नवरात्रोत्सव 50 बस सुरू करण्यात आल्या असून देशभर 500 बसगाड्या सुरू करण्यात येणार असल्याचे शैलेश बोरणारे यांनी सांगितले. दसऱ्याच्या मुहुर्तावर या बसगाड्या रस्त्यावर धावणार आहेत. या सेवेबद्दल अधिक माहिती www.velobus.in⁠ या संकेतस्थळासह 8655808153, 8655808154, 8655808155, 8655808156 या क्रमांकावर मिळेल, असे शैलेश बोरणारे यांनी सांगितले

0000