तृतीयपंथीयांचे सर्व्हेक्षण करण्यासाठी सामाजिक संस्थांना 21 फेब्रुवारीपर्यंत अर्ज करण्याचे आवाहन

 

सांगली प्रतिनिधी: शासन स्तरावरून प्राप्त आदेशानुसार सांगली जिल्ह्यातील तृतीयपंथीय व्यक्तींचे सर्व्हेक्षण करावयाचे आहे. सर्व्हेक्षण करण्यासाठी इच्छुक असणाऱ्या सामाजिक संस्थांनी विहीत नमुन्यामध्ये अर्ज भरून दिनांक 21 फेब्रुवारी 2024 अखेर समक्ष उपस्थित राहून सहाय्यक आयुक्त, समाज कल्याण सांगली, जुना बुधगांव रोड, सांगली (दूरध्वनीक्रमांक 0233- 2374739) येथे सादर करावा, असे आवाहन समाज कल्याण कार्यालयाचे सहाय्यक आयुक्त जयंत चाचरकर यांनी केले आहे.

 

सर्व्हेक्षण करण्यासाठी निवडण्यात येणारी संस्था तृतीयपंथीयांसाठी काम करणारी असल्यास प्राधान्य देण्यात येईल. सर्व्हेक्षणबाबत मान्य संस्थेला शासन नियमानुसार निश्चीत केलेला आर्थिक लाभ दिला जाईल. माहिती भरण्यासाठीचा विहीत नमुना अर्ज सहाय्यक आयुक्त, समाज कल्याण, सांगली या कार्यालयात उपलब्ध असून दि.16 ते 21 फेब्रुवारी पर्यंत विनाशुल्क उपलब्ध करून दिला जाईल. अर्ज नमुना वितरीत करणे व अर्ज स्विकारण्यासाठी शासकीय सुट्टीच्या दि. 17 ते 19 फेब्रुवारी 2024 रोजीही कार्यालयीन वेळेत कार्यालय सुरू ठेवण्यात येत आहे. तरी सामाजिक संस्थांनी आपले अर्ज सादर करावेत.

 

00000