एन.डी.आर.एफ. मार्फत ३ मार्चपासून जनजागृती, प्रशिक्षण

 

–

सांगली, प्रतिनिधी-

राष्ट्रीय आपत्ती प्रतिसाद दलाच्या वतीने सांगली जिल्ह्यात दि. ३ ते १० मार्च या कालावधीत जनजागृती कार्यक्रम घेण्यात येणार आहेत. ही माहिती निवासी उपजिल्हाधिकारी तथा जिल्हा आपत्ती व्यवस्थापन प्राधिकरणच्या मुख्य कार्यकारी अधिकारी ज्योती पाटील यांनी शासकीय प्रसिद्धीपत्रकाद्वारे दिली आहे.

प्रशिक्षणाचा तपशील व ठिकाण पुढीलप्रमाणे. दि. 3 मार्च रोजी जवाहर नवोदय विद्यालय पलूस येथे व दि. 4 मार्च रोजी पोलिस प्रशिक्षण केंद्र तुरची येथे आपत्तीची तोंडओळख, शालेय सुरक्षा, शोध व सुटका प्रथमोपचार. दि. 5 मार्च रोजी कृष्णा व्हॅली सभागृह, कुपवाड येथे औद्योगिक अपघाताच्या अनुषंगाने करावयाच्या उपाययोजना प्रशिक्षण. दि. 6 मार्च रोजी शिराळा तालुका स्तरावर व दि. 7 मार्च रोजी वाळवा तालुका स्तरावर आपत्तीची तोंडओळख, शोध व सुटका, प्रथमोपचार पध्दती, बोट इ.बाबतची माहिती इत्यादी. दि. 8 मार्च रोजी आण्णासाहेब डांगे कॉलेज ऑफ इंजिनिअरिंग ॲण्ड टेक्नॉलॉजी आष्टा येथे आपत्तीची तोंड ओळख, शोध व सुटका, प्रथमोपचार पध्दती. दि. 10 मार्च रोजी मिरज तालुकास्तरावर आपत्तीची तोंडओळख, शोध व सुटका, प्रथमोपचार पध्दती, बोट बाबतची माहिती इत्यादी.

संबंधित शालेय व महाविद्यालयाच्या ठिकाणी शालेय / महाविद्यालयीन विद्यार्थी, पोलीस प्रशिक्षण केंद्राच्या ठिकाणी पोलिस प्रशिक्षण केंद्रातील प्रशिक्षणार्थी, औद्योगिक अपघाताच्या अनुषंगाने प्रशिक्षणासाठी औद्योगिक क्षेत्रातील सुरक्षा अधिकारी तर शिराळा, वाळवा व मिरज तालुका स्तरावरील प्रशिक्षणासाठी नदी काठावरील/दरडप्रवण गावातील तलाठी, ग्रामसेवक, पोलिस पाटील, सरपंच, नावाडी, आरोग्य सेवक, पाटबंधारे खात्यातील कर्मचारी, पशुवैद्यकीय कर्मचारी, होमगार्ड, बांधकाम विभाग कर्मचारी, रेशन दुकानदार, एन.एस.एस./ एन.सी.सी. विद्यार्थी, पोलीस कर्मचारी, गावातील तरूण मंडळ प्रतिनिधी, आपदा मित्र, स्वयंसेवी संस्था प्रतिनिधी, वीज वितरण कर्मचारी आदि प्रशिक्षणार्थी घटक असणार आहेत.

00000