संचालक माहिती कार्यालयाचे शेषराव पवार सेवानिवृत्त..
छत्रपती संभाजीनगर, प्रतिनिधी- संचालक माहिती कार्यालयाचे कर्मचारी शेषराव शंकर पवार हे आज नियत वयोमानानुसार सेवानिवृत्त झाले. त्यांना त्यांच्या सहकाऱ्यांच्या वतीने निरोप देण्यात आला.
संचालक माहिती कार्यालयाच्या वतीने संचालक माहिती कार्यालयात आयोजित निरोप समारंभात संचालक (माहिती) किशोर गांगुर्डे, सहायक संचालक गणेश फुंदे, माहिती अधिकारी डॉ. मीरा ढास आदी यावेळी उपस्थित होते.
कार्यालयाच्या वतीने संचालक श्री. गांगुर्डे यांनी शेषराव पवार यांचा सपत्निक सत्कार केला. उपस्थितांनी आपल्या भाषणातून पवार यांच्या सेवा कार्याबद्दल गौरवोद्गार काढले. कार्यक्रम प्रसंगी संचालक माहिती कार्यालयातील तसेच जिल्हा माहिती कार्यालयाचे अधिकारी-कर्मचारी, तसेच पवार यांचे कुटुंबिय यावेळी उपस्थित होते. कार्यक्रमाचे सुत्रसंचालन प्रवीण भानेगावकर यांनी केले.
