मुंबईच्या आझाद मैदानावर जनसंघर्ष समितीचे अध्यक्ष शाहूराज माने योच्या नेतृत्वाखाली एक दिवसीय धरणे आंदोलन संपन्न
( सुरेश गायकवाड ) प्रतिनिधी मुंबई- मुंबईच्या आझाद मैदानावर जनसंघर्ष समितीचे अध्यक्ष शाहूराज माने यांच्या नेतृत्वाखाली हजारो आंदोलकांच्या वतीने एक दिवसीय धरणे आंदोलन करण्यात आले. त्या आंदोलकांमध्ये पुरुष आंदोलका सहित महिलां आंदोलकांचा सहभाग मोठेप्रमाणात होता.
या एकदिवसीय धरणे आंदोलनात समृद्धी जीवन प्रकरणी २२ लाख गुंतवणूकदारांची हजारो कोटीच्या अधिक फसवणूक करणाऱ्या महेश मोतेवार यांची सरकारने मालमत्ता जप्त करून अटक केली होती. अशी फसवणूक करणाऱ्या या महेश मोतेवार याने समृद्धी जीवन प्रकरणी गुंतवणूक करणाऱ्या गुंतवणूकदाराना समृद्धी जीवनात गुंतवणूक रक्कम परत हवी असेल तर त्यांनी दोलत प्राईड मध्ये गुंतवणूक करावी अशी अट घालून पुन्हा एकदा गुंतवणूकदारांची फसवणूक सुरु केली आहे. तरी त्याला फसवणूक प्रकरणी अटक करण्यात यावी अशी मागणी करण्यात आली.
तसेच दोलत प्राईडवर बंदी घातलीच पाहिजे. महेश मोतेवार याचा जामीन रद्द करा, न्याय दया… न्याय दया… गुंतवणूकदारांना न्याय दया, गुंतवणूकदारांची गुंतवणूक परत करा अशा मागण्या करण्यात आल्या.
